"كل حاجة بقت ياسمين".. عمرو محمود ياسين يفجر مفاجأة عن أزمة تتر "وننسى اللي كان"
خرج السيناريست عمرو محمود ياسين عن صمته ليحسم الجدل المثار حول اعتذار المطرب رامي صبري عن غناء تتر مسلسل "وننسى اللي كان"، والاتهامات التي طالت الفنانة ياسمين عبد العزيز خلال الأيام الماضية.
وكتب عمرو محمود ياسين عبر حسابه على فيسبوك رسالة مطولة أعرب فيها عن دهشته مما تتعرض له ياسمين عبد العزيز، مؤكدًا أن ربط كل تفصيلة في العمل باسمها أمر غير صحيح، مشيرًا إلى أن المسلسل يقف خلفه فريق متكامل من صُنّاع العمل، لكل منهم دوره ومسؤوليته الواضحة.
وقال عمرو محمود ياسين في منشور طويل :"حقيقي أنا مش مصدق اللي بيحصل مع الفنانة ياسمين عبد العزيز، لو تتر اتغير من حاجة لحاجة يبقى ياسمين، لو ممثل أو ممثلة قال جملة معينة يبقى ياسمين، لو حد لابس لبس معين يبقى ياسمين، لو شخصية متسمية اسم معين يبقى ياسمين، وأقسم بالله إن ده غير حقيقي؛ لأن المسلسل له مؤلف ومخرج ومنتج وستايلست وأقسام تخصصية".
وأضاف :"إحنا مش هواة، إحنا بنشتغل، وكل واحد فينا بيحترم دور الآخر، وكل واحد مسؤول عن اختصاصه ودوره في العمل، وأكيد بنتشاور وبنفكر مع بعض علشان نوصل لأفضل قرارات في مصلحة المشروع، بس الموضوع كله تصفية حسابات للأسف الشديد".
عمرو محمود ياسين يكشف الصغ التي تعرضت لها ياسمين عبد العزيز
وتابع متحدثًا عن الضغوط التي تتعرض لها ياسمين عبد العزيز :"هي بقت مش عارفة تعمل إيه، لما تطلع ترد الناس تقول لها بتردي ليه، ولما تسكت الناس بتصدق الاتهامات".
واستكمل :"حقيقي أنا بشفق عليها، لكن اللي بيخليني أهدى إن ياسمين قوية جدًا جدًا، وبتقابل ده كله بسخرية وضحك، وبترد تقولي أنا مش شايفاهم، بس أنا متعود أواجه، والناس اللي بتتابعني عارفين عني ده".
وأكد أن الهجوم عليها يمس العمل بالكامل، قائلًا :"لازم الجمهور يعرف الحقائق، لأن أنا بعتبر الهجوم على ياسمين هو جزء من الهجوم على مشروعي، اللي كلنا بنبذل فيه مجهود كبير جدًا".
واختتم رسالته :"ربنا يصلح حال الجميع، وخالص التقدير والاحترام للجميع".