"جوزي سكير ويطلب مني مشاركته.. أعمل إيه؟" مصطفى حسني يُجيب
أكد الداعية الإسلامي مصطفى حسني أن تعاطي الزوج للخمر أو المخدرات يُعد من أخطر ما يُفسد العلاقة الزوجية، مشيرًا إلى أن هذه العادات لا تضر فقط بصحة الإنسان ودينه، بل تهدد استقرار الأسرة بالكامل.
زوجي يشرب خمرًا، ويريدني أن أشرب معه، فماذا أفعل؟"
وجاء حديثه ردًّا على سؤال لإحدى الزوجات في البث المباشر، تسأل فيه: "زوجي يشرب خمرًا، ويريدني أن أشرب معه، فماذا أفعل؟".
قال حسني:"الأسئلة دي بتخليني أتخيل بنتي أو أختي – مع إن ما عنديش أخوات بنات – لكن بردّ وأنا شايفها قدامي، الخمر والمخدرات من مفسدات الزواج، لأنها تهدّ أي اتفاق بين الزوجين، ولما يوصل الحال إن الزوج مش بس بيشرب، لكن كمان بيطلب من مراته تشرب معاه، فده معناه إنه مش بيضيع نفسه بس، ده كمان بيضيع دينها وآخرتها".
الخمر رأس كل شر
وأضاف:"الخمر هي أم الكبائر، والنبي ﷺ قال: لا تشربن الخمر، فإنها رأس كل شر، ولازم يحصل وقفة.. وقفة يدخل فيها أهله، أو شخص حكيم بين الطرفين.،مش بقول تطلقي فورًا، لأن في ظروف لازم تتاخد في الاعتبار: عدد سنين الجواز، إذا كان عندكم أولاد، واستقرارك المادي والنفسي".
ونصح حسني الزوجة بأن تبدأ بمصارحة زوجها بلطف وهدوء: "قولي له: يا حبيبي، أنا مش قادرة أكمل بالشكل ده، وأنت ما تستاهلش تضيع نفسك، أنا بحبك وبخاف عليك، أنت راجل محترم، وفاكر دايمًا ربنا، لو ما استجابش، لازم حد يدخل ويكون له كلمة مسموعة".
ووجّه الداعية كلمة مباشرة للزوج:"لو أنت سامعني دلوقتي، فاعرف إنك في إيدك جوهرة ست صالحة، لسه بتدور على ربنا فيك. حافظ على النعمة، ومتخسرش نفسك وفلوسك ودينك عشان حاجة بتضيع العقل والدنيا والآخرة".
