راضي ومبسوط.. تعليق مؤثر من أحمد عبدالحميد بعد وفاة ابنته ووالده (شاهد)
أعرب الفنان أحمد عبد الحميد عن حزنه العميق لفقدان ابنته، مشيرًا في منشور مؤثر على فيسبوك إلى ثقته بقضاء الله وامتنانه لكل من وقف إلى جانبه خلال هذه المحنة الشخصية الصعبة.
ونشر أحمد عبد الحميد عبر حسابه على فيسبوك رسالة مؤثرة قال فيها: "متشكر لكل الناس إلى بتحبني ووقفت جنبي في مصيبتي، الحمدلله اكتشفت الأيام اللي فاتت إن ربنا بيحبني اكتر عشان يختبرني ويبتليني بجزء صغير من الابتلاءات اللي شافها الرسل والأنبياء وعباده القريبين".
وأضاف الفنان: "أنا مش زعلان أنا راضي وحامد ومبسوط،مبسوط إن ربنا رزقني بناس حلوة زيكم كلكم في ضهري واتأكدت من محبتكم اللي ربنا يقدرني وارد جزء منها وما شفت فيكم أي حاجة وحشة يارب".
واختتم عبد الحميد منشوره بالقول: "الحمدلله عدد ما كان وعدد ما يكون وعدد الحركات والسكون".
وكان أحمد قد أعلن وفاة ابنته بعد أكثر من 15 يومًا من رحيل والده الماكيير محمد عبد الحميد، عبر رسالة على حسابه الرسمي قائلاً: "أنا مش عارف ربنا بيحبني ولا مش بيحبني عشان ياخد مني أبوي وبنتي في أسبوعين، الله جاب الله خد الله عليه العوض، لا نقول إلا ما يرضى الله إنا لله وإنا إليه راجعون، بنتي ملاك عند ربنا وجنب أبويا".
وتابع الفنان في رسالته: "أنا مش هقدر حد يكلمني ولا يعزيني، وأنا شوية وهبقى كويس إن شاء الله".
