شواكيش
عااااجل: موجة شديدة من ارتفاع الأسعار مع بداية العام الجديد 2026، فى انتظار صرف «علاوة غلاء»!
> خطة الحكومة.. وضع الشعب المصرى ضمن قائمة أسعد 30 شعب فى العالم.. وطبعًا ممنوع الضحك!
> «البامية» اختفت من الأسواق.. أما المدعوكة «الكوسة» فلا تزال ترفع تسعيرة «أنجز وانجز»!
> الفساد فى دواوين الحكومة «ميغة».. والرشاوى فى الأدراج «غيّة» والتحرش بالأسعار «نزوة»!
> الغلابة خرجوا من المناجم «سُوليطى مُوليطى» وحكومتنا الرشيدة على طريقة إسماعيل ياسين: «فتشنى فتش»!
> وزير «لقمة العيش» مجوَّع الشعب من «لت وعجن» تصريحاته «الطباقى»!
> وزيرنا قاهر الدروس الخصوصية لا يكذب فى التعليم.. ولكنه يتجمل فى التعليل!
> بعد فتح الحكومة باب تصدير البيض.. أصبح الشعب يمشى على قشر بيض!
> كيلو اللحمة وصل لـ 500 لحلوح.. وطبعًا الغلابة فى سوق «الجِزارة» برُخص الفشة والممبار!
> الحكومة تعمل من «حبة» القمح «قُبة».. ومن حبة «الفول» أبوستين جنيه هِيلا هوبا!
> العيادات التخصصية انتشرت كالطاعون فى الوحدات السكنية بلا ضابط ولا رابط!
> وزير الإعلام النازى جوزيف جوبلز قالها زماااان: «أعطنى إعلامًا بلا ضمير أعطيك شعبًا بلا وعى».. خِلص الكلاااااام!
> من كثرة برامج الطبخ فى الفضائيات.. والجرائد للفرجة فقط على الأرصفة.. أصبحنا شعبًا لا نقرأ ولا نعرف من يدفع ثمن فاتورة الغلاء؟!
> قريبًا.. حكومتنا الرشيدة هتوزع علينا كروت الدعم العينى.. وطبعًا الغلابة استعدوا لوضع «صوانى الجوع»: «محدّش هياكلها بالساهل»!
> من أغانى أيامنا الغابرة: قولوا لعين الأسعار الحمرااااا متحماشى، لأحسن يجوع الشعب ويطلّع ماشى!
> بعد تطبيق قانون الإيجار القديم.. عاوزين نسأل حكومتنا «الشطورة»: يا قانون قولى رايح على فين؟!
> بنقولها وش: «اللى يشوف فساد يبلغ عنه».. وعلى رأى الغلابة: «اللى يشوف الفساد من غربال الحكومة.. يُبقى أعمى القلب والتسعيرة»!
> يا ناس يا هوه: اللى ملوش أهل.. أهله الحكومة.. واللى ملوش بيت ايجار قديم.. بيته كراكون فى الشارع!
شَوْكَشَة الأسبوع
بالورقة والقلم.. الحكومة ضربتنى بكف الأسعار كام قلم.. وأنا دلوقتى مش بتّوجع من الألم.. ده الجوع عندى أهون من 100 قلم.. وعجبى عليك يازمن!