بالإنسانية

عاشق السنابل دَهَب.. والعشق بيا ذَهَب لِموكب فِكر وخيال

وعْد وعليا انكتب.. ما بين زروع القَصَب أمشى وأقول مَوّال

لِصَبِيّة جمالها عَجَب..الشِفّة عَنقود عِنب.. أحمر عَ الخَد مال

النيل من عيونها شِرب.. وكل شاعر كَتب عنها وغَنّى وقال

يا أرض ليكِ العَتَب.. مين اللى كان السَبب ف البعد والترحال

اللى ما يوم اِتغَلب.. يِسقى الشراقى الأَرَب يبقى ما بينكو وصال

يا سواعد ضَجّة غَضَب..مش كل مِن اغترب لقى إجابة السؤال

دى حضن دافى وقَلْب.. وضَناَ مَلُهش ذَنْب تسيبه إزاى مُحال!