حضور وانصراف

من بين ثمار الإبداع المتناثرة هنا وهناك، تطفو على السطح قطوف دانية، تخلق بنضجها متعة تستحق التأمل، والثناء، بل تستحق أن نشير إليها بأطراف البنان قائلين: ها هنا يوجد إبداع..
هكذا تصبح "قطوف"، نافذة أكثر اتساعًا على إبداعات الشباب في مختلف ضروبها؛ قصة، شعر، خواطر، ترجمات، وغيرها، آملين أن نضع عبرها هذا الإبداع بين أيدي القراء، علّه يحصل على بعض حقه في الظهور والتحقق.

"سمية عبدالمنعم"

شويه سنيين

كلنا فـــيهم متشعبطين

ملضوم فيهم وفينا حنين

حالات فيها عايشينها

بنتقابل ونتفارق 

ونتصاحب ونتخانق

بلا منطق بلا معني

جوه السنيين عايشين 

بالرضا... بالزمزقة

بالكرهة.... بالمعشقة

بكل التناقض 

اللى بعزق واللى حوش

اللى طنش واللى كوش

و اللى قضاها تلاهي

واللى قضها ف ملاهي

اللى كان مديها ضهره

واللى خدها بوش أهله 

اللى جرب كان مجازف

واللى قلد كأنه شافف

واللى كان ف الركن عافف

واللى كان بين البنيين

ما اخترش حاجة من التنين

خوفنا جدا من الحياة

من التجارب

قلق من كل اتجاه

بين الحضور والانصراف

عشنا فيها تقال خفاف

توهنا فيها بدون دليل

كلنا عابر سبيل