حفيد العندليب يفجر مفاجأة عن زواج عبدالحليم وسعاد حسني.. ويكشف عن عقد مزور
حسم الفنان الشاب نور الشناوى، حفيد العندليب عبدالحليم حافظ، الجدل حول الخطاب المنسوب للراحلة سعاد حسني ونشرته أسرة العندليب الأسمر، وذلك خلال صفحته الشخصية على موقع التواصل الاجتماعى فيسبوك.
وكتب نور الشناوي، عبر صفحته قائلًا: "أنا قاعد ساكت كتير احترامًا لآراء الناس اللى على راسى والانتقادات اللى حصلت الكام يوم اللى فاتوا فى موضوع الرسالة، وأن العيلة لقوا الرسالة دلوقتى، وأننا عايزين نطلع ترند ونتشهر وكلام ملوش أساس من الصحة".
وأضاف: "العيلة أصلاً مش هى اللى ابتدت الموضوع ده، لكن فى ناس كتير أوى عايزة تكسب وتستفيد من وراء الموضوع ده، وإن عايزه تجوز اتنين بالعافية، وهما ماتجوزوش أصلًا، واللى عنده إثبات يطلعوه، لكن كله كلام فى الهوى ومالوش أى أساس من الصحة".
وتابع: "من حقنا كعيلة محترمة أن لما يتم افتعال شيء ماحصلش أننا نطلع ننكر، وأى حد لو مكاننا هيعمل كده، الحمد لله مافيش أى فنان فى مصر أو بيت فنان فى مصر حد قدر يحافظ القيمة والقامة الفنية اللى عبدالحليم حافظ سابها لمصر والعالم العربى، من بيت، لمقتنيات شخصية ولتراث فنى زينا، بس مش فاهم ليه لو الواحد اتجوز هينكر الجواز ده شيء مافيهوش عقل أصلاً ولكل الناس التقدير والاحترام".
تزوير عقد:
كشف نور الشناوي، عن عقد مزور تم تداوله خلال الأيام الماضية، قائلًا: "يعنى العقد ده اللى طلعتوا السيدة بدون ذكر أسامي، أولاً فيه غلطات كارثية.. أول حاجة جمهورية مصر العربية مكانش اسمها كده سنة ١٩٦٠ كان اسمها الجمهورية العربية المتحدة.
وأضاف: "تانى حاجة هذا ليست إمضاء عبد الحليم.. لما يتم تزوير رسمي زى كده وتشويه لفنان أليس من حق العيلة الرد واحنا مش بنقلل من قيمة الفنانة، لأن هي فنانة كبيرة ولكن لما يتم الكدب ونشر التزوير علينا إحنا إننا نرد.
