أشرف بن شرقي: دونجا صاحبي واتمنى وجود زيزو في الأهلي
حل المغربي أشرف بن شرقي، نجم النادي الأهلي، ضيفا ببرنامج رامز جلال “ رامز إيلون مصر”، المذاع عبر فضائية mbc مصر.
وخلال تحدث بن شرقي، عن علاقه بدونجا، لاعب نادي الزمالك قائلا: "أنا ودونجا صحاب وكلمني علشان أنا آجي الزمالك".
ورد بن شرقي أيضا عن ما إذا كان انتقاله للنادي الأهلي، بسبب الفلوس، قائلا: "سبت الفلوس علشان أروح النادي الأهلي. وروحت الأهلي حبا في الأهلي لأن الأهلي نادي كبير".
وقال بن شرقي إلى أنه يتمنى انضمام أحمد مصطفى "زيزو" نجم الزمالك إلى النادي الأهلي، قائلا: "أتمنى يجي يلعب معايا في الأهلي".
ووجه رامز جلال، سؤالا لبن شرقي، قائلا: "لو قولنا مين أحسن لاعب في الدوري بعدك يكون مين؟"، ليرد بن شرقي، قائلا: "أحسن لاعب في الدوري المصري بعدي إمام عاشور".
وفي بداية الحلقة سخر رامز من أشرف بن شرقي :"مكنش بياخد فلوس عقده في النادي المنافس، واتضحك عليه، واتغدر بيه، وفي الآخر راح كذا نادي"، مستطردا:"قولناله ايه اللي خلاك تعمل كده في حد يسيب نادي البطولات، ويلعب في نادي كده وكده اتضحك عليه، وعملوا معاه حركات مش قد كده قرر يسافر وقالهم، انا ماينفعنيش كده".
وقال:"وبيبو زغلل عينه في الأهلي بالفلوس، معانا ومعاكم اللاعب إللي مشعوط ميت عقبة،معانا أشرف بن شرقي"
ويقوم البرنامج على فكرة إيهام الضيف بالمشاركة في حلقة من برنامج لاكتشاف المواهب العلمية في برنامج "جولدن تالنت"، التي يترأس لجنة التحكيم فيها كل من الفنانة اللبنانية نوال الزغبي، ولاعب الكرة السعودي محمد نور، والفنان رامز جلال على أن يكون الضحية هو الحكم الرابع.
وفي الحلقة السابقة حلت الفنانة نور إيهاب ضيفة ببرنامج رامز جلال “رامز إيلون مصر”، والمذاع عبر فضائية “mbc مصر” أمس السبت.
وخلال استقبال رامز للفنانة الشابة نور إيهاب، سخر من إطلالتها، قائلا:" لابسة ديك ناقصها زعبوط وتبقي جوكر الكوتشينة"".
وعلق رامز جلال على ملابس الفنانة نور إيهاب:" رومي في دراعها وسلسلة شجرة الدر وبوط مطافي طالعة من الدفاع المدني.. أول مرة اشوف بوت وحش كده".
وقال رامز جلال في تقديمه لـ نور إيهاب: " احدث اصدارت مصنع المواهب، نجمة من نجوم الالفمينات، لسة مطلعتش بطاقة ومش ملاحقة على الأعمال، بتتني وتتفرد قال اية بقى ليها مدير أعمال".
وتابع رامز جلال :"اللي هيتغير علينا ويشوف نفسه هعبيه في شوال، معانا ومعاكم الممثلة النوغة الفنانة النونة حلم المراهقين والشباب نور ايهاب".
موعد عرض برنامج رامز إيلون مصر
ويعرض برنامج رامز إيلون مصر في تمام الساعة 6:00 مساءً بتوقيت القاهرة، والساعة 7:00 مساءً بتوقيت السعودية، ويعاد عرضه في تمام الساعة 12:00 صباحًا.
فكرة برنامج رامز جلال
يتم استدراج الضيوف إلى موقع التصوير بحجة مشاركتهم في تجربة فريدة، قبل أن يجدوا أنفسهم في مواجهة موقف مرعب أو تحدٍ غير متوقع
اللاعب اللي كان كده وهيبقى قد كده، اللي بعون الله هيجيب بطولات قد كده، اللي مشعوط ميت عقبة وهما مش ناقصين حرايق"