بيومي فؤاد لجماهير الزمالك: بلاش تعلقوا الخسارة على شماعة السحر والمؤامرات (فيديو)

 عاتب الفنان بيومي فؤاد جماهير الزمالك بسبب عدم اعترافهم بالهزيمة والبحث عن أسباب بعيدًا عن الأداء الفني لا تعليق الخسارة عليها، قائلًا: الزمالك لو اتغلب من ريال مدريد هيدوروا على أي حاجة غير إنهم وحشين".

أحمد موسى يشيد بتفوق الأهلي على الزمالك.. كولر مدرب حكاية

شماعات ومبررات الخسارة: الظلم والتحكيم والمؤامرات والسحر:

 قال بيومي فؤاد، خلال مداخلة هاتفية ببرنامج “حضرة المواطن” على فضائية “الحدث اليوم”، مساء اليوم: "لما الزمالك خد كأس مصر من الأهلي قلت على الأهلي دا إحنا غلابة النهارده ووحشين، هما لما يخسروا بيعلقوا شماعات ومبررات الخسارة، منها الظلم والتحكيم والمؤامرات والسحر، الزمالك بيتجامل والأهلي بيتجامل، الزمالك بيتظلم والأهلي بيتظلم، ولكن هناك أمورًا أخرى وراء الخسارة لابدَّ على الزمالك الوقوف أمامها والاعتراف بالتقصير والخلل والمشاكل بعيدًا عن الشماعات".
 وأضاف بيومي فؤاد: "شيكابالا قال لعمرو أديب لو كورة هناخد الدوري، يعني إيه كورة هو إحنا بنلعب بلي، امتى هتقولوا إنكم اتغلبتوا النهارده علشان وحشين، أو اللي قدامكم كانوا كويسين".

وتابع: "إشمعنى إحنا كلامنا اللي بيبقى مر ولو الزملكاوي شتم  يبقى كويس، الزملكاوي بيقول لو كرة زيزو دخلت طيب ما كرة أفشة جت في العارضة، ده ماتش 6/1 بيقولوا لو كورة وليد صلاح عبداللطيف دخلت كان الزمالك كسب، هو ده كلام يعقل".

وأضاف: "كنت خايف من ماتش بيراميدز بتاع نهائي السوبر، وكنت خايف من ماتش الزمالك اللي فات، لأن الزمالك ما عندهوش حاجة يخسرها، والأهلي خلص الدوري، وده كان هيخليهم أهدأ أعصابًا، ولكن نزلوا أعصابهم بتغلي، ودا سبب خسارتهم بجانب أن الفريق محتاج لعيبة كتير".

 كشف الجهاز الفني لنادي الزمالك بقيادة الكولومبي خوان كارلوس أوسوريو، قائمة الأبيض لـمباراة فاركو، المقررة اليوم الأحد باستاد القاهرة، ضمن الجولة 34 والأخيرة بالدوري المصري الممتاز.

استبعد من القائمة كلًا من عمرو السيسي ومحمود حمدي "الونش" ونبيل عماد "دونجا" ومصطفى شلبي ومحمود عبدالرازق "شيكابالا" وأحمد فتوح وعبدالله جمعة ومحمد عبد الشافي، ذلك للإصابة.

كما خرج من القائمة، حسام عبدالمجيد للإيقاف، وحمزة المثلوثي وناصر منسي لأسباب فنية، وسيف جعفر ويوسف أسامة، وفقًا لقرار مجلس إدارة نادي الزمالك، بتجميد الثنائي.
 

قائمة الزمالك:

في حراسة المرمى: محمد عواد - محمد صبحي.
في الدفاع: عمر جابر - محمد عبدالغني - محمد طارق - مصطفى الزناري - حاتم سكر - أحمد محمود.
في الوسط: محمد أشرف "روقا" - محمد حسام "بيسو" - عبدالله محمد - سيد عبد الله "نيمار" - أحمد بلحاج - أحمد سيد "زيزو" - أحمد عبد الرحيم "إيشو" - إبراهيما نداي.
في الهجوم: سيف الدين الجزيري - علي ياسر - محمد صلاح.

 يتواجد الزمالك في المركز الثالث بالدوري المصري الممتاز برصيد 59 نقطة، بينما يقع فاركو تاسعًا برصيد 41 نقطة.