تسبب في نجاحها بـ 4 أغاني.. من هو الشاعر بهاء الدين محمد وتفاصيل أزمته مع شيرين عبدالوهاب

 عبّر الشاعر بهاء الدين محمد عن استيائه من الفنانة شيرين عبدالوهاب بعدما كشفت عن ندمها على أغنية "ما تجرحنيش"، التي هي من تأليفه، إذ شاركت عبر خاصية الإستوري على صفحتها الرسمية على موقع تبادل الصور والفيديوهات الأشهر إنستجرام، ردًا على سؤال متابعة "في أغنية ندمتي عليها".

(اقرأ أيضًا) رفض أجمد بويضاتي.. شيرين عبدالوهاب تفجر مفاجأة حول علاقتها بحسام حبيب (فيديو)

وهاجم الشاعر الفنانة من خلال منشور نشره على صفحته الرسمية على موقع التواصل الاجتماعي فيسبوك قائلًا: "مش متعود أرد على أى حد، ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجى عند بعض الأسماء ويحاسب ويخلى باله، خصوصًا لما حد ف كل كارثة يدافع عنها!".

 وتابع بهاء الدين محمد: وحأتكلم باختصار جدًا المشهد الأول.. أول يوم دخلت شيرين عبدالوهاب مكتبى كانت مع الأستاذ نصر محروس اللى هو صاحب الفضل في تقديمها وبعد دقائق من اللقاء لقينا شيرين بتبكى، وسألها نصر بتعيطى ليه، ردت علشان أنا قاعده مع الأستاذ بهاء!".

وأضاف بهاء الدين محمد: المشهد الثاني رشحتها تغنى كتير بنعشق ولولا موافقة نصر إحترامًا للعشرة اللى بنا ماكانتش ح تغنيها لأنها كانت موقوفة من النقابة، أما المشهد الثالث :لما فوجئت بمدير أعمالها الرجل اللى أنا بأحبه وباحترمه لقيته بيكلمنى نيابة عنها ويقولى سمعنى الجديد وده طبعًا خطأ لأن اللى بيغنى مهما كان اسمه مش المفروض يغلط غلطة زى دى!!! لأن المشهد ده مش لايق على المشهد الأول".

وتابع: "المشهد الرابع والأخير أغنية "ماتجرحنيش"

واختتم قائلًا:" وكمان لأول مرة ألاقى حد بيحارب نفسه وبيغلط ف مبدعين إشتركوا ف صناعته!!! .. وعشان أكتب الكلام ده يبقى شيرين غلطانة كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم".

من هو الشاعر بهاء الدين محمد؟:

 يعتبر من أهم الشعراء في الوطن العربي وتعامل مع الكثير من المطربين أشهرهم سميرة سعيد وعمرو دياب وأنغام وإيهاب توفيق ومحمد فؤاد ومحمد منير وشيرين وتامر حسني.

 ولد الشاعر بهاء الدين محمد في  عام 1961، ودرس في كليه الفنون الجميلة بقسم الجرافيك، كما تم اختياره كعضو في هيئه المؤلفين بباريس، وعضو في نقابة الفنانين التشكيليين.

 قام بتأليف عدد من أغاني شيرين عبدالوهاب وهي: قال صعبان عليه، كتير بنعشق، آه لو جانى تانى، وماتجرحنيش.