بعد خروج "محمد رشاد" عن صمته.. تعرف على ردود فعل الجمهور

قرر الفنان الشاب محمد رشاد، الخروج عن صمته بعد انتشار الكثير من الشائعات حول إلغاء حفل زفافه من المذيعة مي حلمي، وخاصة بعد اشتراك بعض الإعلاميين في ترويج تلك الشائعات.

وجاء رد رشاد موجهًا بشكل خاص للإعلامية ريهام سعيد، التي أكدت في برنامجها "صبايا" حسب معلومات من مصادر خاصة بها أن مي أصيبت بجلطة بعد أزمة إلغاء حفل الزفاف.

ونفى محمد رشاد، ما قيل على لسان ريهام رافضًا أن تتدخل بشئونه الخاصة، وأن تصوره بمظهر الإنسان المستهتر، لافتًا أن وقت عرض الحلقة الخاصة بها كان برفقة مي للتفاهم وحل الخلاف، قائلًا "مصادرك ضعيفة يا أستاذة يا كبيرة".

وتستعرض "بوابه الوفد" لقرائها ردود فعل جمهور الفنان محمد رشاد بعد خروجه عن صمته:

فقالت هبه سامي "فرح متكلف ٢ مليون، جنيه جايين تتخانقوا على فلوس كنت تحل الموضوع بأي شكل وبعدين أي اتفاقيات من دي بتبقي قبل الفرح مش جايين تتكلموا في فلوس في الفرح".

وأضافت آيه محمد، "ياريت بالله عليكم كفايه كلام عن اللي بينكم ع الميديا .. هي غلطانه أنت غلطان هاتتصالحوا مش هاتتصالحوا دي حاجه ماتخصش حد غيركم ولا حد إتوجع قلبه زيكم"

وعلق فتحي، مدافعًا عن موقف رشاد، "يا جماعة العروسة شتمت أهله وكان لازم يعمل كدة ....برافو رشاد".

وقالت سهر "بالعكس كلنا بنحترم قرارك في الأول والآخر إنت احترمت نفسك هما لو فعلًا كانه عارفين إنهم اشترى راجل مكنوش

عمله كده".

وكان لـ سافا أحمد رأي آخر فعلقت "ريهام سعيد ماقلتش حاجة غلط في حلقتها وانتوا حطيتو حياتكم الشخصية قدام الناس وكل تفاصيل فرحكم كنتوا بتشاركوهم مع الناس يعني ماكنتش على ريهام سعيد هي وضحت بس المشكلة لناس ممكن تكون ماتعرفش الحقيقة كلها لكن الحقيقي أنو في مشكلة كبيرة وأنا مش عايزة أظلمك ولا أظلمها في التحليل بس متهيئلي إنك أنت ولاهي تستاهلوا النهاية دي للأسف وربنا يصلح بينكم أنا بحبكم أنتو الاثنين ثنائي جميل جدًّا و بحب صوتك أنت".

وشاركتها الرأي رباب الحبشي، "الست ماغلطتش فيك، بالعكس دى دعت لكم في الحلقة، وكونك شخص مشهور أنت وخطيبتك فطبيعى إن يتم انتهاك حياتك الخاصة زى باقي المشاهير ودا عيب من عيوب النجومية .. وكل الناس اتكلمتك عنكم وانتهكت خصوصيتكم أكتر من ريهام.. اتفرج عالحلقة وشوف هى قالت إيه قبل ماتكتب كلامك دا.وربنا يقدم لكم إللى فيه الخير".