"ده شغال إرهاب".. أحمد موسى يهاجم إيران بسبب الهجوم على الدول العربية

هاجم الإعلامي أحمد موسى، إيران بسبب الاعتداءات على الدول العربية الشقيقة، قائلا: “إيران ليه بتعتدي على الدول العربية؟ طيب ما تضربوا إسرائيل، ليه بتعتدي على الكويت وعمان والدول العربية الشقيقة؟”

أحمد موسى يطالب بتحقيق كل احتياجات منتخب مصر لمواصلة الإنجازات

أحمد موسى يشيد باحتفال منتخب مصر باستاد القاهرة ورفع الأعلام الفلسطينية

وقال أحمد موسى  خلال برنامجه "على مسئوليتي" المذاع على قناة "صدى البلد": "ده شغل إرهاب، لأنه عارف الثمن لو ضرب إسرائيل هيتضربوا تاني".

وأضاف: "مين هيقولك أنت بالنسبة لي جار أمين؟ محدش هيقولك كده، اللي بتعمله إيران ده إرهاب دولة، ودول الخليج العربي لم تُطلق منها رصاصة على إيران".

تداعيات التصعيد المتزايد بين الولايات المتحدة وإيران

 وحذر أحمد موسى من تداعيات التصعيد المتزايد بين الولايات المتحدة وإيران، معتبرًا أن الصراع حول مضيق هرمز ينذر بمرحلة أكثر خطورة قد تنعكس على الاقتصاد العالمي وأسعار الطاقة، وأن العالم يتجه نحو تطورات متسارعة في ظل استمرار التوترات العسكرية والسياسية.

 وتابع  "يبدو إن الحرب هترجع أقوى مما كانت عليه، وتوقعاتنا إن الحرب هترجع بعد 4 شهور، لكن مكملتش شهر ورجعت، لأن مذكرة التفاهم ضعيفة، وكل طرف يريد فرض إرادته على مضيق هرمز".

وأضاف: "ترامب النهارده قال هنسيطر على مضيق هرمز، وهذا خطير، وترامب بيضع العالم كله على المحك، وكل اللي فات ده ترتيبات، أمريكا كانت بتعمل كده عشان تستولي على مضيق هرمز".

وأردف: "أوروبا النهارده بتصرخ؛ لأنها بتعتمد على الغاز، وعندهم أزمة كبيرة جدًا، لأن لازم يعملوا مخزونات استعدادًا لفصل الشتاء، وأمريكا هتربح قد إيه من ده".