ماذا قال زيكو بعد خروج منتخب مصر من كأس العالم؟

 علّق مصطفى زيكو، لاعب منتخب مصر، على خروج الفراعنة من دور الـ١٦ لبطولة كأس العالم، بعد الخسارة من الأرجنتين ٣-٢.

 وقال زيكو عبر حسابه الرسمي بموقع التواصل الاجتماعي إنستجرام: 

"الحمدلله على كل حاجة وصلنالها..

يمكن المشوار وقف هنا، لكن اللي حصل عمره ما هيتنسي.

 في البداية أحب أشكر سيادة الرئيس على دعمه واهتمامه بينا، وأشكر شعب مصر العظيم على وقفته معانا وجمهورنا اللي كان مالي الاستاد من أول يوم لآخر لحظة، دعمكم وثقتكم كانوا أكبر دافع لينا، وكنا بنتحارب في كل ماتش عشان نفرحكم.

 وفخور جداًًا إني كنت جزءًا من البعثة دي، وفخور بكل راجل تعب وحارب وضحى، سواء لاعب، جهاز فني، جهاز طبي، إداري، سوشيال ميديا أو أي حد كان موجود معانا. كل واحد كان ليه دور، وكل واحد أدى اللي عليه بكل إخلاص.

 والحمدلله إن ربنا كرمنا ووصلنا لمكان يفرح كل مصري، حتى لو كان نفسنا نكمل المشوار أكتر.

 وعد مننا… دي مش النهاية، دي بداية لحلم أكبر. هنشتغل أكتر، وهنتعلم من كل تجربة، وإن شاء الله اللي وقفنا عنده النهارده هيفضل يخلينا نرجع نفرح مصر بإنجازات أكبر.

شكرًا لكل واحد آمن بينا ووقف في ضهرنا.

الحمدلله دائمًا وأبدًا
✌🏽🇪🇬 تحيا مصر".