يا جماعة اتلموا واعقلوا حرام.. عمرو أديب يهاجم التجار بسب ارتفاع الأسعار
قال الإعلامي عمرو أديب، إن هناك حديثا عن تحسن الاقتصاد بالأرقام، وتسأل المواطن تجده يتحدث أن الأمور ليست الأفضل.
وأضاف أديب، مقدم برنامج الحكاية، المذاع عبر قناة MBC MASR، مساء اليوم الجمعة، :"الأسعار لا تزال غالية، وأقول للتجار حضرتكم هتكسروا السوق".
وتابع الإعلامي عمرو أديب، :"دول يومين مفترجين، وأنت لو ضاغط عليا أنا هضغط عليك.. يا جماعة ارحموا الناس مش كده.. واستهلاك الناس قل وبيشتروا بالأقل ومش معاها القدرة الشرائية اللي كانت معاها قبل كده".
من هنا لدخلة رمضان اتلموا
وأكمل أديب: "لما يوصل كيلو الفراخ لمائة جنيه والسكر زاد اتنين تلاتة جنيه ولسه متكلمتش في البيض والباقي، وأقول للتجار البضاعة هتعفن ومن هنا لدخلة رمضان اتلموا".
وأردف عمرو أديب: “سؤال للمشاهدين وهو أذكر دولة حوالينا فيها جشع تجار .. والجائزة كيلو بانيه .. ومش هتلاقي غيرنا احنا والفرخة تبقي حفلة في البيوت .. يا جماعة اعقلوا وحرام”.