"أنا معنديش بنات تلبس الحجاب".. والد هلا رشدي يعلق على قرارها بارتداء الحجاب في سن الـ16
أوضحت الفنانة هلا رشدي كواليس ارتدائها الحجاب في صغرها عبر حسابها الشخصي بموقع التواصل الاجتماعي فيسبوك.
وقالت هلا رشدي في مقطع فيديو: «وأنا عندي ١٦ سنة في أول يوم رمضان قررت ارتداء الحجاب، ووالدي قالي انتي عارفة حجم القرار اللي أخذته ده، أنا معنديش مشكلة تتراجعي عن القرار حالًا لكن تلبسيه وتقلعية أنا معنديش بنات تلبس الحجاب وتقلعة، قولتله تمام يا بابا وأوعدك».
وأضافت هلا رشدي: «مينفعش أقلع الحجاب ومينفعش حاجة زي دي تخطر على بالي، لو بصينا على الحرية بشكل مختلف هنلاقي إن هي دي الحرية، إنك تمنعي نفسك من شهواتك مش العكس، وكل ما حاولتي تظبطي لبسك ده هيسهل خطوة الحجاب».
واستعرضت الفنانة هلا رشدي تفاصيل الفترة الأخيرة التى مرت بها والتى أصيبت فيها بالاكتئاب، مؤكدة أن الرضا والدعاء وذكر الله كان أكثر الأمور التى ساهمت فى خروجها من مرض الاكتئاب.
وقالت هلا رشدي فى أحد برامج بودكاست: «جالي اكتئاب في 2019 وروحت لدكتور نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، وكنت بخبط دماغي في الحيطة وبقول لربنا أنت سايبني ليه خدني عندك، وزوجي لم يتخلّ عني وصبر عليا صبر أيوب وكلمت ربنا وقولت لنفسي أنا هموت ولا إيه إني مش صح ومش قادرة أعبدك ولما بقرأ قرآن بحس بحاجز كبير.. طلعني يا رب من اللي أنا فيه.. وقعدت فترة مش بصلي خالص وكنت بقرأ الورد بس.. ويوم عيد ميلادي الـ33 قلت لنفسي دا عمر أهل الجنة، وروحت صليت وقولتله هحاول أكون معاك يا رب قويني».
