ياسمين الخطيب تدافع عن زواج إيناس الدغيدي.. "مش حرام واللي بتتنمر عليها تبص لشكلها الأول"
أعربت الإعلامية ياسمين الخطيب عن استيائها من تعليقات البعض على زواج المخرجة إيناس الدغيدي، مؤكدة أن الزواج ليس حرامًا في أي سن، وأن من حق أي امرأة أن تختار حياتها كما تشاء.
ياسمين الخطيب: زواج إيناس الدغيدي في أي سن مش حرام ولا عيب يمكن محتاجة ونس ورفيق.. واتمنى أكون في جمالها لما أكبر
وقالت ياسمين الخطيب، خلال برنامجها "مساء الياسمين" المذاع عبر قناة الشمس: "مش عارفة ليه الناس علقت على زواج إيناس الدغيدي، وبيقولوا إزاي تتجوز وهي عندها 70 سنة! أعتقد دا مش سنها الحقيقي، لكن حتى لو كدا.. هل دا حرام؟ ربنا ما حرموش، إنتوا بتحرموا ليه؟".
ياسمين الخطيب: الشعب بيتعامل مع زواج المشاهير كأنه موضوع عائلي.. إيناس الدغيدي محتاجة رفيق يكمل معاها العمر
وأضافت: "إيناس الدغيدي شكلها جميل ورشيقة وأنيقة، ولو في السبعين أتمنى أبقى في ربع حلاوتها وشياكتها. واللي بيتنمر عليها أقوله شوفي نفسك الأول. للأسف شعب مصر بيعتبر موضوع الزواج، خصوصًا لو يخص المشاهير، كأنه شأن عائلي للشعب كله، ويدخل يعلق."
ياسمين الخطيب على زواج إيناس الدغيدي: "ربنا ما حرمش الجواز .. واللي بتتنمر عليها تبص لشكلها الاول
واختتمت الخطيب: "الزواج مش معناه زوج بيصرف، هو ونس ورفيق يمكن هي محتاجة تكمل معاه باقي عمرها.
