كلام تنظير وفزلكة.. مي عمر توجه رسالة نارية لفنان مجهول|ما السبب؟

نشرت الفنانة مي عمر منشور تنتقد من خلاله أحد الفنانين والتي رفضت ذكر اسمه بسبب احتفاله بترتيب أعماله الفنية للأكثر مشاهدة على الرغم من انتقاده ذلك التصرف سابقًا، وذلك عبر حسابها الرسمي على موقع التواصل الإجتماعي فيسبوك.

وكتبت مي عمر :" زميل ، وكنت بعتبره صديق عزيز، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد. والبوست كان كله بقى: “الترند مش هدف الشغلانة” و “إحنا بنشتغل عشان الفن مش الأرقام”… كلام تنظير وفزلكة على أعلى مستوى. وأنا ساعتها قلت مش هرد، وكنت سايبة الأيام تكشف. عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس".

وأضافت:"وفعلاً… مكدبش خبر! أول ما مسلسله دخل التريند، بقى بيشارك فرحان إنه “رقم واحد”. الله! هو الترند كان وحش في رمضان وبقى جميل دلوقتي؟ طبعا أنا مش ضد إن أي حد يفرح بنجاحه… بالعكس مبروك والله، ومن حقك تفرح وتشارك لإن ده تعبك ومجهودك. بس ياريت نبطل المنظر بتاع: “أنا مختلف… أنا فوق الترندات” وبعد كده أول ما نقرب منها نطير من الفرح وننشر 20 ستوري."

وانهت منشورها قائلة:"وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ في الآخر… الترند مش هدف.غير لما يبقى معانا! 😏للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط".