القلق يسيطر على معتزة عبد الصبور بسبب قانون الإيجار القديم.. استغاثة عاجلة بالمسؤولين
تصدر اسم الفنانة معتزة عبد الصبور مواقع التواصل الاجتماعي خلال الساعات الماضية، وأثارت ضجة واسعة وجدلًا كبيرًا بعد استغاثتها بالمسئولين، إذ تم إبلاغها من أحد ورثه المنزل الذي تسكن فيه بالطرد من شقتها بعد 7 سنوات وفقًا لقانون الإيجار، وطلبت المساعدة حفاظًا على إرث والدها.
تهديد معتزة عبد الصبور بالتطرد من المنزل.. القصة الكاملة
بدأت القصة عندما كتبت معتزة عبد الصبور منشورًا على حسابها الرسمي بموقع فيسبوك قالت فيه، :" من كام يوم لأني كنت في حالة عمري ما شوفت نفسي فيها جراء إبلاغي من أحد ورثة العمارة إني هتطرد من بيتي، بيت صلاح عبد الصبور كمان 7 سنوات هترمي في الشارع أنا ومكتبته وعيشتي وعيشته، كنت في حالة انهيار تام، كأني في فيلم رعب فعليا، وللحظات فكرت أعتذر عن ورشة مهمة جدا سأقدمها في مكتبة الإسكندرية العظمى تلك المؤسسة الثقافية المصرية العريقة بعراقة عمر حضارتنا، فقط للحظات فكرت أعتذر، ولكن فكرت نفسي بمقولتي اللي دائما بقولها إلى الطلبة من الممثلين لو مش قادر تمشى ازحف".
وأضافت معتزة :"أتقدم لو الدنيا اتكركبت عليك، ولأني مريضة التزام كان مستحيل أخل بكلمتي لمكتبة الإسكندرية، أو بتوقعات الفنانين الشباب اللي حجزوا الورشة، وفعلا روحت وأنا نفسيا وجسديا في حالة صدمة نفسية وتروما صادقة، ولكن ده التزام أخلاقي، وهكذا تربيت على شرف الكلمة، مش حتى العقد، بعضهم كان متابع صفحتي من قبل وكانوا على دراية تامة بالظروف الغريبة جدا جدا اللي بمر بيها".
واختممت ابنة الشاعر صلاح عبد الصبور كلامها :" مهما حكيت عن كم المحبة والاحتواء والدفء والأصل والرعاية والدلع والنقاء والأصل والرقي والحنية والكرم اللي شفته من طلبتي فنانين إسكندرية الرائعين مش هيوفيهم حقهم.. مشفتش جمال وأخلاق وإنسانية ودفء كدة في حياتي في أي مكان في العالم".
معتزة عبد الصبور: مش عايزة ابقي تريند
بعد حالة الجدل التي أثارتها ومناشدتها للمسؤولين، نشرت معتزة منشور أخر تعتذر في من الصحفيين كاشفة بأنها لا ترغب أن تصبح تريند، إذ قالت :" بعتذر لكل الصحفيين اللى حاولوا يتواصلوا معايا و انا مردتش ارجو تقبل محبتى و اعتذارى عن اى حوارات، أنا مواطنة مصرية عادية جدا بكتب على صفحتى للونس وقت الشدة لانى لوحدى فبحتاج ونس".
وأضافت :" وانا ابعد ما يكون عن انى احب اى شىء بكتبه عن حالى يكون تريند، حالى هو حل كثيرين جدا هيمشوا من بيوتهم بعد سبع سنوات أو قبل وفقا لرحمة المالك بهم و ربنا ينجى الجميع يا رب .خصوصا فى ظرف زى ده و فى حالتى الصحية المتردية الان ارجوكم مش عايزة ابقى تريند بالمرة أنا حكيت فقط من فرط الألم و قلة الحيلة".
حالة نفسية سيئة تمرها بها معتزة بعد الصبور
كشفت ابنة صلاح عبد الصبور عن معاناتها من أزمة نفسية وصحية قاسية، عقب إبلاغها بأنها ستضطر لمغادرة الشقة التي عاشت فيها مع أسرتها منذ نحو ستة عقود قائلة :" انا تعبانة جدا جدا رجاء تقبل محبتى و اعتذارى، واللى عايزه ربنا فى اى شىء و فى كل شىء هو اللى هيكون، وأنا مسلمة امرى تماما تماما إلى الخالق وهو ارحم الراحمين، خلصت كل خناقاتى فى الدنيا و تشبثى بأى شىء فيها، ابويا مش فى حيطان شقة ، روحه منثورة فى العالم كله، وانا روحى مع كل اللى عرفونى و حبونى بصدق".
وتابعت كلامها :" ساعدوني انى أمشى فى سلام و هدوء .الدنيا ضاقت عليا اوى و بتقولى انتى ملكيش مكان وعارفة انى بواجه حاجة و قوة أكبر من قدراتى البسيطة جدا على مواجهتها، فعايزة أخرج فى براح ربنا، فى راحة و امان ربنا .محدش يشيل همى، أنا واثقة أنه ربنا ايا كانت صورة الرحمة اللى هيقدمها ليا هتبقى هى الصح، يمكن حزنى الوحيد هو انى كنت ابتديت اكون مؤثرة فى حياة كل طلبة التمثيل اللى كان ليا شرف تدريبهم و شفت الأثر و شفت تعلقهم بيا وأقسمت بينى وبين نفسى أن ده يكون مشوارى وكل تركيزى حتى آخر عمرى ".
