تصريح صادم من حفيد عبدالحليم حافظ يشعل أزمة خطاب سعاد حسني للعندليب (شاهد)
علق المغني الشاب نور الشناوى، حفيد العندليب عبدالحليم حافظ على أزمة الخطاب المنسوب للراحلة سعاد حسني، والذي نشرته أسرة الراحل وأثار ضجة واسعة في الوسط الفني، وذلك خلال منشور عبر حسابه الشخصي بموقع التواصل الاجتماعي الأشهر "فيس بوك".
حفيد عبد الحليم حافظ: مش فاهم ليه لو الواحد اتجوز هينكر الجواز ومن حقنا كعيلة محترمة إنه لما يتم افتعال شيء ماحصلش ننكر
كتب نور الشناوي: "أنا قاعد ساكت كتير احترامًا لآراء الناس اللى على راسى والانتقادات اللى حصلت الكام يوم اللى فاتوا فى موضوع الرسالة وأن العيله لقوا الرسالة دلوقتى وأننا عايزين نطلع ترند ونتشهر وكلام ملوش أساس من الصحة".
وأضاف: "العيلة أصلاً مش هى اللى ابتدت الموضوع ده، لكن فى ناس كتير أوى عايزة تكسب وتستفيد من وراء الموضوع ده، وإن عايزه تجوز اتنين بالعافية، وهما ماتجوزوش أصلا، واللى عنده إثبات يطلعوا، لكن كله كلام فى الهوى ومالوش أى أساس من الصحة".
وأردف حفيد العندليب: "من حقنا كعيلة محترمة أن لما يتم افتعال شيء ماحصلش أننا نطلع ننكر، وأى حد لو مكاننا هيعمل كده، الحمد لله مافيش أى فنان فى مصر أو بيت فنان فى مصر حد قدر يحافظ القيمة والقامة الفنية اللى عبد الحليم حافظ سابها لمصر والعالم العربى، من بيت، لمقتنيات شخصية ولتراث فنى زينا".
واختتم منشوره بقوله: "بس مش فاهم ليه لو الواحد اتجوز هينكر الجواز، ده شيء مافيهوش عقل أصلاً، ولكل الناس التقدير والاحترام".
