شواكيش

● متى يتم رفع الدعم نهائياً ؟
- أكيد بعد ما نشيل المرارة !
● إنهاء أزمة البنزين المغشوش
- " طرمبة " لكل مواطن!
● ليه الحكومة متلخبطة في أزمة الإيجار القديم ؟
- متلخبطة  لخبطيطة، والغلابة مُحتجة في الزيطة !
● الحكومة هطبق الحد الأدنى للأجور؟
- مِش سمعك، أنت بتقول: أكفي على الخبر ماجور!
● الحكومة هترّخص الأسعار؟
- متصدقش، دي كدبة بيضا !
● حكومتنا الرشيدة عندها قلة دعم ؟
- الكلام فى سرك، قلة دولارات !
● موجة حر في أسواق الغلاء؟
- حر نار أكتر من كده!
● نفسي أشتري رُبع كيلو لحمة 
- لازم تشترك في جمعية الرفق بالغلبان!
● برامج "التوك شو" ع الفضائيات 
- إعلام اللي ما يشتهي يتفرج !
● أسواق الغلاء طِلعت ع الدائري
- طبعاً، الغلبان هيلف ويُصرخ تاااني!
● فساد المحليات زماااان كان للركُب 
- دلوقتي بقى في "العصعوص" !
●  أوصفولي صبر شباب البطالة 
-  القعدة على الكافيهات، وشُرب الشاي بالكاسات!
●  إرتفاع الأسعار عرض مستمر؟!
-  أصلها متعودة داااايماً !
●  حالنا بعد تعويم الجنية
- الدولار بالعد، والجنية بالعداد!
● صرخات المرضي الغلابة
- آآآآه ..أدفع فين يوجعك !
●  إستغاثة عاجلة لوزيرنا الهُمام
-  سرعة صرف العيش والحلاوة !
● أغنية الغلابة في أسواق الغلاء 
-  نار الأسعار يا حبيبي نار
● المسلسل الدرامي لمحرومي الدعم 
- " الصبر في المجاعات "!
● الدنيا غلاء والعيشة " ضنك "؟ 
- ضنك عليك عيشتك
●  شعار حكومتنا الجديد؟
- مفيش غيره، "الجوع علينا حق" !
● إستغاثات الناس الغلابة 
-  حاجة قليلة، تمنع زيادات أسعار كتيرة!
● لحد النهاردة فهمتم حاجة؟
- للأسف، محدّش فينا فااااهم أي حاجة!
آَخِر شَوْكَشَة
●●  يا عزيزى كُلنا منسيون، أنا وأنت والأسعار ولا حد فاكرنا !!