بعد اعتراف حسام حبيب بتدميرها
سرقات بالملايين ومحاضر.. وسائل تعذيب وتهديد حسام حبيب لـ شيرين عبد الوهاب
اعترف الفنان حسام حبيب أثناء أحداث الحلقة السادسة من برنامج “رامز إيلون مصر” باعتراف صادم ومتوقع إلى حد ما لجمهور شيرين عبد الوهاب، وذلك بعد فترة طويلة من هدوء الاحداث الطويلة بينهما والتي تصدرت مواقع الاخبار ومنصات الحديث عبر مواقع التواصل الاجتماعي طوال العام الماضي، حتى إعلان انفصالهما الرسمي وعودة شيرين عبد الوهاب لحفلاتها وأغانيها.
في يوليو الماضي اتهمت شيرين عبد الوهاب طليقها الفنان حسام حبيب بضربها وسحلها وذلك خلال مداخلة هاتفية ببرنامج "كلمة أخيرة" تقديم الإعلامية لميس الحديدي ، واعترفت بكامل الواقعة، قائلة" "كذبت في حاجات كتير أوي عشان انا بنت أصول وعشان أرفع صورة انسان ممكن في يوم الانسان ده يروح يتجوز انسانة تانية على الأقل يعرف يتجوز واعرف أخلص منه، وانا نفسي يتجوز ويغور ويبعد عني، وانا ست قاعدة في حالي مع عيالي اللي فضلوا 4 سنين شايفين الويل، وسافرنا الساحل وبناتي كانت نفسيتهم تعبانة وأنا كمان ومكناش بنخرج خالص، مكناش عايشين تقريبًا، وعايشة مع زوج مابيشتغلش وكنت محبوسة 24 ساعة في اوضة نومي".
شيرين عبد الوهاب: سرق عربيتي وخلاني أحلق شعري
وأضافت" انا غلطت في حق نفسي في حق شيرين عبد الوهاب، وده مكانش بيت ده كان مصيدة فران، وانا كنت في الساحل لقيت تليفون جالي عربيتي اتسرقت وكانت مكتوبة باسم حسام، وكل الناس كانت عارفة إني كنت بجمل صورته والناس عارفة كل حاجة وعارفة أني عمالة أقول كلام كذب عشان أطلعه كويس، وأنا ست كنت قاعدة مع راجل تقريبًا ما بيشتغلش، مابيروحش يشوف أهله مبيعملش أي حاجة غير حب الامتلاك وفضلت جمبه وأدافع أن الحب ده ينجح، لقيت نفسي من بعد الكورونا بتدمر، وشغلي اللي كان المفروض يخلصهولي مفيش حاجة بتخلص، خسرني كل الناس أخويا وأختي وأمي وأصحابي، وهو لازم يتعالج نفسيًا لأن عنده حب الامتلاك، وكنت لما أروح أغني في فرح وأبقى مبسوطة ينكد عليا يقولي كنت ماسكة الواد كده ليه؟، أقوله يا ابن الحلال ده قد ابني".
شيرين عبد الوهاب: حسام حبيب ضربني وسحلني وكنت بصرف عليه
واستكملت: "أنا كنت بحبه وكنت فاكراه ابني مش جوزي بس، واهتمت بيه وعملت له استوديو عشان شغلي أنا وهو يتعمل فيه، اشتريت له كل الأغاني اللي عجبته، بشيكات باسمي عشان أضمن له أن الأغاني دي ماتروحش منه، ألاقيه بعد كده يقولي إنتي تخنتي وبقيتي شبه أمك وأنا عاوز واحدة اتباهى بيها قدام الناس تبقى حلوة ورفيعة، ده غير الخناقات اللي كان فيها ضرب وسحل على الأرض وشتيمة عمر ما إنسانة تقبلها على نفسها، وكان كل خناقة تحصل بيننا كان يفضل يحرق في دمي وأعصابي لحد ما امسك المكنة واحلق شعري".
وبعد أشهر قليلة حررت شيرين عبد الوهاب محضرًا ضد حسام حبيب واتهمته بالضرب وسرقة مبلغ مالي، حيث كشفت شيرين عن وجود حسام حبيب في فيلتها بمنطقة التجمع الخامس ووقع شجار بينهما وتطور الأمر بالتعدي بالضرب وسرقتها بسبب خلافاتا على حسابات بنكية.
اعتداء بالضرب بسبب استوديو
وعلى إثر الخلافات المتتالية طالبت شيرين حسام حبيب فض الشراكة بينهما وهو استوديو تسجيل صوتي ودفع النسبة الخاصة بها في الاستوديو، إلا أن حسام تعدى عليها بالضرب والسب وقام بطردها من دون إعطائها متعلقاتها الشخصية، وسرقة مبلغ مالي كان في حقيبتها إلى جانب هاتفها المحمول.
لم يستسلم حسام حبيب لتلك الاتهامات - على حد قوله- وفي تصريحات صحفية سابقة، قال ساخرًا من شيرين عبد الوهاب “دي من حي القلعة وتصرفاتها وأحاديثها أصبحت مكشوفة ودمها تقيل، وكلها محاولات غير مجدية للرجوع إلي والتي لن أوافق عليها مهما حدث”.
لترد عليه شيرين قالة :"الناس الشعبية اللي من القلعة هما دول الجدعان المتربيين ومحدش منهم يقبل إن مراته تصرف عليه، زيش مانا صرفت عليه 6 سنين ومادفعش في البيت 100 جنيه حتى".
