أحمد عبدالقادر يفتح النار على صفحات الأهلي بالسوشيال ميديا
فتح أحمد عبدالقادر، لاعب خط وسط الفريق الأول لكرة القدم بالنادي الأهلي، النار على صفحات النادي على السوشيال ميديا، متهمًا بعضها بمجاملة اللاعبين مقابل الحصول على الأموال.
اقرأ أيضًا..
كتب أحمد عبدالقادر عبر حسابه الرسمي على موقع التواصل الاجتماعي “فيسبوك”: “جمهور الأهلي أكبر منك يا شويه هايفين، سواء الاهلي اليوم، أو ماجيكانو ياللي بتقبضوا الفلوس علشان تعلوا ده وتوطوا ده انا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه جو الأدمن بتاعكو والفلوس اللي بتتوزع عليكو وقدام عيني وحد عرض عليا اعمل حملات هجص ولقطة وهنعليك وهنخليك في السما دا مش عندي انا ربنا بيكرمني علشان انا عارف انا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فا بلاش انتو علشان انتو لا تمسو للنادي الأهلي بأي شئ النادي الـهلي اكبر نادي في العالم مش في مصر فا اللي انتو عاوزينو ده مبعملوش والإجازه يا انا يصفحاتكو اللي كلها نفاق ورشاوي وبقولها لآخر مرة انا بتاع شغل مش بتاع رشاوي وبعدين لقطة ركز جو الملعب وسيبك منهم رد في الملعب رد في الملعب ايه ما تنضجو شوية لما حد بياخد فلوس ويغلط فيك سنة كاملة واكتر ويشتم اهلك تقولي رد في الملعب ولما ترد يقولك متركزش معاهم مين قال انهم فارقين معايا أصلا ولو انتو فعلا عندكو ذره ثقة وقلبكو كان جايبكو مكنش البوست اتمسح بعد ساعة على طول بس انا اللي هنزله صباح الفل وجمعة مباركه”.
وكان الفريق الأول لكرة القدم بالنادي الأهلي حسم تأهله إلى الدور نصف النهائي من مسابقة كأس مصر، بعد تحقيقه فوزًا مثيرًا على نظيره المصري البورسعيدي بثنائية لهدف، خلال اللقاء الذي جمعهما على ملعب برج العرب بالإسكندرية لحساب دور الثمانية من البطولة.
ومن المقرر أن يلاقي الأهلي نظيره إنبي في نصف نهائي المسابقة.