إساءة استخدام أغاني عبدالحليم حافظ.. فتح النار على المنتج محسن جابر

أعلن محمد شبانة، ابن شقيق الراحل عبد الحليم حافظ، عن مقاضاة المنتج محسن جابر، "لإساءة استخدام أغاني العندليب"، وفق روسيا اليوم.

وفي لقاء تلفزيوني، أوضح محمد شبانة قائلا: "أنا اتفاجئت إن شركة من شركات أستاذ محسن بتنزل مهرجان باسم حبيبها.. بيدخلوا عبد الحليم كده في جملة وبعدها يخش مهرجان اسمه حبيبها، فشيء غريب ميقولش بقى أنا حامي الغنوة والكلام ده وهو في الآخر بيكسب من الأغاني دي ومن أغاني المهرجانات برضو".

وأضاف ابن شقيق الفنان عبدالحليم حافظ: "هناخد بقى إجراءات قانونية ..عمرو مصطفى لسه موريني الحاجات دي من 3 أيام وبلاقي إعلانات كمان بأغانيه..هو أنا عشان أكسب 50 ألف دولار أدخل اسم عبدالحليم في إعلان منتج رش والكلام ده".

وأكمل: "كل واحد ياخد حقه وكل حاجة وقتها هتمشي في المظبوط ..ده شيء مسيء جدا، وأنا مش هقدر لوحدي أعمل حاجة لازم وزارة الثقافة تتحرك والجهات المعنية تتحرك ده تراث مصر في الآخر".