إشراقات
ورحمة خالتى اللى هايسمع الخبر ده وﻻ يبارك لى.. سأحذفه من قائمة صداقاتى.. وكمان هقاطعه للممات...
فبتوفيق من الله وكرمه نجحت اليوم.. فى شراء «كيلو سكر».. إى والله كيلو سكر.. مستغربين ليه.. وده بعد لف ودوران أكثر من يومين.. على كل محلات المنطقة.. الكبير منها والصغير.. دون أى فائدة.. لدرجة كما قلت لكم أمس البقال قالى.. لو عايز مخدرات أهى قدامك مرطرطة وماليه السوق.. أما السكر فبلاش تتعب نفسك!
لدرجة أننى والله ذهبت لأحد البقالين.. وقلت له ياريت تتصرف لى فى كيلو سكر.. حتى لو بعشرين جنيه!
المشكلة ان منطقة سكنى.. تخلو من اى مجمعات استهلاكية.. المهم يئست ولم يعد امامى.. إلا اللجوء للحيلة التى كنا نلجأ اليها أيام الضنك.. وهى شراء حبات الملبس.. ووضعها فى كوب الشاى.. وكانت بتحل المشكلة!
فكرت اطلب الرئيس السيسى.. عشان يتصرف لى فى كيلو سكر.. من عنده من بوفيه الاتحادية.. لأنه مش معقول الاتحادية كمان عندها أزمة سكر!
بس تراجعت فى اللحظة الأخيرة.. لأننى خفت الريس يتهمنى بالكذب والمبالغة.. لأن وزير التموين أكيد قايل لسيادته ان السكر مرطرط فى السوق.. وبكده أكيد هيتهمنى بأننى اتعمد نشر الشائعات.. وزعزعة استقرار البلاد.. وممكن يصنفنى كمان ضمن أهل الشر.. ربنا يبعدنا عنهم وعن شرورهم!
المهم وانا مروح البيت.. وجدت امامى سوبر ماركت.. قلت نعمل محاولة أخيرة.. وفعلاً دخلت وسألته عن سكر.. ونظراً لمعزتى الشديدة عنده.. نظر إلى موظف المحل وقاله.. معلهش دور على كيلو من تحت الأرز.. عشان الاستاذ عصام غالى علينا.. وتقريبا ليس لديه إلا تلاتة كيلو باقية.. لفك زنقة زباينه وحبايبه الخصوصيين زى جنابى.. لأن مندوب الشركة رفض أن يبيع له إلا باكته واحده..بها عشره كيلو فقط لا غير.. لمنحها للحبايب فقط.. هذا ما قاله لى البائع المحترم.. هنا وجدت نفسى أقول.. أشهد ان ﻻ الله إلا الله.. وان محمدا رسول الله!
< كدت="" ابكى="" من="" فرط="" السعادة..="" أخيرا..="" أخيرا..="" تحققت="" امانى..="" وفزت="" بأغلى="" هدية..="" كيلو="" سكر..="" معقوله="" دى="" يا="">
< انا="" خلاص="" مش="" عايز="" حاجة="" تانى="" م="" الدنيا..="" شكرا="" ليك="" يارب..="" حققت="" لى="" أكثر="" مما="" تمنيت..="" باركولى="" وهنونى="" بالخبر="" السعيد..="" وعقبال="" عندكم="" يا="">