بعد انسحابه من عرض فيلم ريش المخرج محمد دياب يوجه رسالة شديدة اللهجة لـ شريف منير (شاهد)
علق المخرج محمد دياب، على مشهد انسحاب النجم شريف منير أثناء مشاهدته فيلم "ريش" ضمن فعاليات مهرجان الجونة السينمائي، وذلك عبر صفحته الشخصية على موقع التواصل الاجتماعي الشهير "فيسبوك".
اقرأ أيضًا.. شاهد.. حسن أبو الروس عن فيلم "ريش" : فخور بحضور عرضه الأول في مصر
محمد دياب يعلق على انسحاب شريف منير من فيلم "ريش"
وكتب "دياب" عبر صفحته قائلًا : "كلام الأستاذ شريف منير أن الجوايز اللي خدها فيلم ريش هي مؤامرة من الغرب على مصر كلام خطير جدًا خاصة أنه من فنان كبير.. هتكلم من خبرتي كشخص عضو لجنة تحكيم في مهرجان كان، وعضو في أكاديمية الأوسكار: قولاً واحدًا مفيش إنسان لا بالتلميح ولا بالتصريح عمره ما بيحاول يأثر على اختيارات لجان التحكيم واللي أعضائها بيتكونوا من فنانين مميزين من أنحاء العالم".
وتابع : "إدارة أي مهرجان دورها بينتهي باختيار الأفلام المشاركة ونقطة ويسأل في ذلك الفنانين اللي كانوا أعضاء لجان التحكيم في المهرجانات الثلاثة الكبري زي هند صبري ونيللي كريم ومحمد حفظي.. طب ليه الأفلام اللي بتروح مهرجانات بتبقي عن الفقرا أو عن المشاكل؟ الأفلام المستقلة في العالم كله هي الأفلام اللي خارج منظومة الإنتاج التجارية، يعني الأفلام اللي مش لاقيه إنتاج ودي بتبقي دايمًا الأفلام اللي عن المهمشين أو الناس اللي ملهاش صوت، وبما أنها أفلام مش متوقع منها تجيب فلوس فبيبقى عند صناع العمل الجراءة أنهم يعملوا اختيارات فنية جريئة وده بيخليها مغرية للمهرجانات اللي بتدور على سينما جديدة ومختلفة".
وأضاف : "سنة 2019 الفيلم اللي كسب البالم دور هو (شوب ليفترز ) الياباني، وسنة 2020 اللي كسب نفس الجايزة هو (باراسيت) الكوري و بعدها اكتسح الأوسكار الفيلمين عن العشوائيات في دول عالم أول وبلادهم احتفت بالفيلمين وبصانعيهم بالرغم من أن العشوائيات نسبتها في الدولتين لا تذكر".
واستكمل حديثه قائلًا: "المميز في فيلم ريش مش الفقر على الإطلاق بل أسلوب مخرجه الجريء وطريقة سرده المختلفة، وسواء عجبك الفيلم أو لأ لازم نشيد بإن الفيلم ده فيلم بصوت و طعم مختلف فنيًا مش
وتابع: "و لو الفنانين نفسهم هم اللي بقوا بيرددوا الاتهامات اللي من نوعية تشويه مصر فدي مصيبة؛ لأن الكلام ده فيه مزايدة على الرقابة وعلى منتجي الفيلم وعلى المهرجانات اللي بتختار الأفلام وهيخلي أي فيلم عن المهمشين متهم بالتزلف وبيصعب أنه ينتج أو يُجاز".
وأضاف "و للأسف الكلام ده بيخلي الرأي الشعبي يبقي دايمًاحاطط أفلام المهرجانات في وضع المتهم: أكيد اختاروا الفيلم عشان سبب غير مستواه الفني كلام فيه انسحاق وهزيمة وكأننا معندناش القدرة نعمل حاجة كويسة".
وأضاف : " بمنطق أستاذ شريف كان هينسحب من عرض الفيلم العظيم الكيت كات اللي كان بطله وقدم فيه دور عظيم وكنا اتحرمنا من أعظم فيلم مصري".
اختتم دياب حديثه قائلًا: "عمر الزهيري مخرج مصري واعد و يستحق مننا كلنا التحية والتشجيع، وفيلم ريش مدحه وذمه لازم يكون في داخل الإطار الفني فقط".
