بسمة وهبة مشيدة بإنجازات الكهرباء: من 7 سنين لما تركب أسانسير يا توصل بالسلامة يا تتعلق

أشادت الإعلامية بسمة وهبة، بالإنجازات التي قطعتها الدولة المصرية، في العديد من المشروعات المختلفة وأبرزها مشروعات الكهرباء، مؤكدة " من 7 سنين كان طبيعي المصانع تقف بالساعات علشان مفيش كهربا، والشركات تخسر ملايين الجنيهات كل يوم علشان واقفة، كانت الأشغال متعطلة، تدخل بنك يقولك مفيش كهربا، تدخل مصلحة حكومية يقولك مفيش كهربا، من الآخر كده.. حياتنا كانت مأساة كاملة".

اقرأ أيضًا.. محمد شاكر: الربط الكهربائي مع السعودية يمهد لسوق عربية لتبادل الطاقة (فيديو)

وقالت وهبة، خلال برنامجها "90 دقيقة" المذاع على شاشة "المحور"، :"الواقع تغير، وأصبح لدينا فائض كهرباء نسبته 25%، يعني بالزيادة ونقدر نصدر كمان.. ده إنجاز يشهد عليه العالم كله.. فى سنة 2015 كنا فى المركز 145 فى جودة الكهرباء عالميا.. فى سنة 2020 بعد خمس سنين بقينا فى المركز 77 عالميا، ولسه كمان".

اقرأ أيضًا.. "نقل الكهرباء": مشروع ربط التيار مع السعودية تكلفته 1.8 مليار دولار (فيديو)

وواصلت :"اللى اتعمل فى الكهرباء قصة مذهلة، يكفيك بس إنك تعرف إننا أنفقنا على الكهرباء فى خمس سنين 8 أضعاف اللى اتصرف فى السنوات الـ 13 اللى قبلهم.. وبدل ما كنا دولة عاجزة ضعيفة بتعاني معاناة صعبة مع عجز الكهربا.. بقينا الدولة اللى بتصدر كهرباء، وبنعمل اتفاقيات ربط كهربا مع جيرانا فى الغرب فى ليبيا، والشرق فى الأردن، وفى الجنوب مع السودان، وفى الشمال بنعدي البحر المتوسط ونربط الكهربا مع قبرص واليونان، وآخرها النهاردة بنعدي البحر الأحمر، علشان نستكمل مشروع ربط الكهرباء مع الشقيقة السعودية".

للمزيد من أخبار قسم الميديا اضغط هنـــــــــــــا