عمرو الليثي يوجه رسالة قوية للمنشغلين بحياة الآخرين
أكد الإعلامي الدكتور عمرو الليثي خلال برنامجه «إنسان تاني» أن الإنسان الذي يشعر بالرضا والاستقرار في حياته لا يجد وقتًا لمراقبة الآخرين أو الانشغال بتفاصيل حياتهم.
وقال الليثي، عبر حساباته الرسمية على مواقع التواصل الاجتماعي: "الناس اللي مرتاحة في حياتها غالبًا مش فاضية تراقب حد، عندها شغلها وبيتها وأحلامها اللي بتحاول تحققها، أما الفاضي اللي مش عنده حاجة يشغل نفسه بيها، تلاقيه بيشغل نفسه بالناس.. بيعملوا إيه، عنده فلوس قد إيه، وبيعمل إيه".
وأضاف: "يا بخت اللي عنده حياة حقيقية، ومش فاضي يحط تركيزه في حياة غيره، ولا يراقب خطوات حد".
وتابع: "الشخص اللي عينه مليانة، حياته بتبقى مليانة، واللي قلبه راضي لا ينظر لما في إيد غيره، بينما الفاضي يركز في حياة الآخرين ويكون شغله الشاغل متابعتهم".
ويأتي برنامج «إنسان تاني» في إطار اهتمام عمرو الليثي بتقديم محتوى إنساني واجتماعي هادف، من خلال تناول قصص إنسانية ملهمة وتسليط الضوء على نماذج ناجحة من المجتمع، لأشخاص واجهوا تحديات صعبة وتمكنوا من تجاوزها وبدء حياة جديدة.
تابعوا آخر أخبار بوابة الوفد الإلكترونية عبر نبض