حقيقة طلاق دنيا سمير غانم ورامي رضوان.. الفنانة تكشف التفاصيل
تحدثت الفنانة دنيا سمير غانم، لأول مرة، عن شائعة انفصالها عن زوجها الإعلامي رامي رضوان، والتي انتشرت بشكل واسع خلال الأشهر الماضية وذلك خلال استضافتها في برنامج «ABtalks» مع الإعلامي الإماراتي أنس بوخش.
و كشفت دنيا سمير غانم عن حقيقة ما تردد بشأن طلاقها، وتطرقت إلى تفاصيل الشائعة ورد فعلها تجاه ما يتم تداوله عبر مواقع التواصل الاجتماعي:"معرفش جابوا إشاعة انفصالي أنا ورامي رضوان منين، لقيت أن على السوشيال ميديا بس في أخبار كتير عماله تتكتب وإحنا الحمد لله مفيش حاجة بينا خالص حتى مفيش حد شافنا إحنا الاتنين كل حد في حتة أو مفيش موقف حصل يخليهم يقولوا كده".
وتابعت دنيا سمير غانم: "هي كانت تقريبا صفحة عايزة تعمل تريند وراحت قايلة الخبر وعشان إحنا كمان مش طول الوقت قاعدين ننزل صور مع بعض غير لما بيكون في مناسبة".
وأضافت: "الناس الطبيعية جالي مكالمات مخضوضين متضايقين جدا الناس اللي بنشوفها في الشارع لسه طيبين وبيحبوا الخير لكل الناس لكن في حاجات على السوشيال ميديا معرفش مين دول".
وتحدثت دنيا سمير غانم عن رؤيتها لاستمرار الحب بعد سنوات من الزواج، مؤكدة أن المشاعر الحقيقية لا تتغير بمرور الوقت، وإنما يمر الزوجان بمواقف ومراحل مختلفة قد تؤثر في طريقة التعبير عن الحب.
وقالت: “بحس إن الحب مش بيتغير مع مرور السنين، إحنا بنتحط في مواقف ومراحل مختلفة، لكن الحب هو الحب. أنا بحب إنسان وبحب فيه حاجات بتبقى موجودة، ولو مش موجودة ممكن أقوله: أنا كنت بحب كذا، ليه مبقاش موجود؟”.
كما كشفت عن أكثر الصفات التي تحبها في زوجها الإعلامي رامي رضوان، مشيرة إلى تحمله المسؤولية وهدوئه وقدرته على التعامل مع مختلف الشخصيات والمواقف.
وأضافت: “رامي فيه حاجات كتير حلوة جدًا، راجل مسؤول وعاقل وفي نفس الوقت بيهزر.. بحب فيه إنه بيتشكل مع الناس والموقف حسب الموقف، هتلاقيه مع ناس بسيطة بيتكلم ببساطة، ومع ناس كبيرة بيتكلم باللغة العربية..طريقته مع الناس بحبها أوي، لأني كنت بشوفها في أهلي، وكأب ما شاء الله هايل”.
رمضان 2027
وعلى الجانب الفني، تستعد دنيا سمير غانم للمشاركة في موسم رمضان 2027 من خلال الجزء الثاني من مسلسل "نيللي وشريهان"، الذي يجمعها مجددًا بشقيقتها الفنانة إيمي سمير غانم.
تابعوا آخر أخبار بوابة الوفد الإلكترونية عبر نبض