الرمادى بعد خسارة البنك الأهلي : اللعيبه عندها لامبالاه

 أكد أيمن الرمادي المدير الفني للبنك الأهلي في المؤتمر الصحفي بعد الخسارة من الزمالك بثلاثة أهداف نظيفه فى الجوله الثانيه لبطولة الدوري الممتاز التى أقيمت مساء اليوم بإستاد القاهره الدولى أن المباراه كانت مباراة غريبة جدًا  فمن بداية الشوط الأول كان لابد إن  شخصية اللاعبين تكون أفضل بكثير خصوصا أمام مرمى المنافس لأننا أضعنا فرص كثيره وفى النهايه خسرنا بنتيجة كبيرة

واضاف قائلا:"هي مباراة غريبة جدًا، وللمرة التانية على التوالي يحصل فينا كده إحنا محتاجين وقفة مع النفس ونشوف الخلل فين إحنا محتاجين تكون شخصيتنا في الملعب أقوى من كده

وبالنسبة للعقوبات على اللعيبة أشار لابد الإدارة يكون لها دور في القصة دي مع اللعيبة، ووارد جدًا يكون فيه عقوبات ووقفة لأن هناك حالة  من اللامبالاة من اللعيبة، وهو لا نسمح به أبدًا أبدًا

وعن حضور جمهور الزمالك وهل كان سبب ضغط على لعيبة البنك؟  قال أكيد   الجمهور عامل مساعد، لكن أرى إن حتى في وجود الجمهور، إحنا في الشوط الأول وأول نص ساعة كنا مسيطرين تمامًا الجمهور ممكن يفرق في البداية، لكن بعد كده خلاص وقد حذرت اللاعبين وقلنا إن المباراة الأولى ليست مقياس وإن الزمالك هيلعب أفضل مع المباريات والموضوع إن اللعيبة فقدت الشجاعة ومفيش مباراة للنسيان، لازم نشوف اللي حصل ده وإيه سببه