مقترح ينقذ المواطن وميزانيته من غلاء أسعار الأدوية وتكاليف العلاج.. تفاصيل
أعرب الإعلامي محمد علي خير عن استيائه من ارتفاع تكاليف العلاج، مخاطبًا كل مواطن بضرورة تواجده تحت مظلة تأمين طبي لتوفير العلاج اللازم بأقل تكلفة في ظل الظروف الاقتصادية الراهنة والتضخم وغلاء الأسعار، وذلك من خلال منشور عبر حسابه الشخصي بموقع التواصل الإجتماعي الأشهر “فيسبوك”.
قال محمد علي خير: “ارتفاع تكاليف العلاج مشكلة عاوزة حل .. مشروع التأمين الصحي الشامل اللي عاملاه الحكومة في اكتر من محافظة ..بعتبره من أفضل المشروعات عندما يكتمل”.
وتابع: “علاج المواطن النهاردة أصبح هماً ومشكلة كبيرة له لارتفاع التكاليف، ومع التضخم وغلاء الأسعار اللي بنعيشه بقى العلاج بيستهلك جزء كبير من ميزانية أي أسرة.. عشان كده وجود تغطية طبية بأسعار مناسبة بقى أمر ضروري بيساعد الناس توفر وتحمي نفسها من أي مصاريف مفاجئة”.
واستكمل: “بعض النقابات عاملة مشروعات علاج لأعضائها زي نقابة الصحفيين اللي بتشرف بعضويتها وكذا المحامين والتجاريين.. وانتشر مؤخراً في القطاع الخاص مسألة التأمين الطبي على العاملين وده حاجة ممتازة.. كمان فيه شركات عالمية لكن اشتراكاتها غالية جداً".
وأردف: “لكن ماذا عن المواطن اللي لسة مش مشترك في أي تأمين طبي؟ مثلا.. قال لي بعض الأصدقاء إنهم مشتركين في شركة معرفش هل هي شركة مصرية أم أجنبية.. لما استفسرت عرفت إنها عاملة مشروع اسمه (شامل)، بتدفع الأسرة حوالي 1600 ج سنوياً.. مقابل خصم بسيط على الدواء لكن الأشعات والتحاليل والفحوصات خصمها حوالي 70% وعرفت إن كشف الأطباء أقل”.
واختتم: “وده في حد ذاته بيساعد الناس إنها توفر بشكل ملحوظ في ظل الظروف الاقتصادية والتضخم الحاصل. عايزك تسأل وتدور على هذا المشروع أو غيره بس المهم أوعى متكونش متغطي بأي تأمين طبي.. نقابة.. شركة.. تأمين صحي.. حكومة.. حتى لو بوبا مرتفع السعر أو مشروع شامل بتاع فيزيتا..المهم لازم تغطي نفسك بتأمين طبي .. يارب الخير للجميع”.
تابعوا آخر أخبار بوابة الوفد الإلكترونية عبر نبض