يا رب تنجح يا تتح
حياتنا مليئة بحاجات تفرح وكمان حاجات تغم إنما الشطارة انك تحول الحاجات الوحشة الى ضحكة خد عندك مثلا الإخوان وقرفهم وقلة أدبهم وإجرامهم وإرهابهم كل ده ممكن يبقى حاجة تموت من الضحك إذا أنت شوفتها بعين مختلفة ولو أنت عارف الحقيقة وراء التنظيم الدولى لهم ومين يزد الحنين
مال الهوى بتاعهم اللى هو يعنى الممول لازم تضحك أوى لان شر البلية ما يضحك أو زى ما قال عمنا المتنبى كم ذا بمصر من المضحكات ولكنه ضحك كالبكا فالأخت الصغرى قطر بتحب تلعب بالكبريت حتى لو النار ملهلبة أيديها وشوف سعادتك أبطال البوفيه المفتوح فى أفخم فنادق الدوحة اللى بيقبضوا فى اليوم الواحد 3 آلاف دولار غير اكل الفطير والنوم على السرير وكل المطلوب منهم شوية جعير على قناة الجزيرة يشتموا مصر وجيشها وقضاءها وإعلامها وطبعا وزارة الداخلية وكله بتمنه حتى كبيرهم الشيخ القرضاوى اللى كان طلع فتوى برجم الأمير قبل أن يعتلى السلطة ويخلع أبوه بمساعدة الهانم أمه الشيخة موزة رجع فى كلامه وفتوته وأصدر فتاوى جديدة لانج تفصيل زى ما يطلب صاحب المخل لانه كله على حسابه, وهو فاروق يزد الجنين مال الهوا ومن ورائه أجهزة مخابرات دول وتنظيمات كتير جدا والمؤامرة مفضوحة وBى عيل صغير فى مصر وفى أى حتة عارفها كويس إنه كان فى المنطقة 3 جيوش بتخوف اسرائيل مصر والعراق وسوريا خلصنا من العراق وجارى الخلاص من سوريا يبقى فاضل مين يا ولاد الحكاية وا ضحة زى الشمس والإخوان عارفين أنهم مفضوحين بتآمرهم مع الأعداء مش مهم لسة عندهم شوية هبل فى دماغهم أن شعب مصر ساذج وممكن تضحك عليه بدل المرة الف مرة بنفس الطريقة يعنى ممكن ياخد عشرين قلم على قفاه قبل ما ياخد باله وعشان هم عندهم كل شيء بتمنه برضه بيقنعوا اسيادهم فى التنظيم الدولى الارهابى ان الغلابة فى مصر
المهم إن الإخوان فى مصر لما يلاقوا الموج والشارع رافضهم ومعدش ياكل من كلامهم ولا من زيتهم يقوموا يجروا على الجامعات ويأجروا شوية طلبة بفلوس كتير اوى دورهم اشاعة جو الفوضى وجر الغلابة الى المظاهرات وخليك معانا تاكل الشهد وبرضه تنجح يا تتح بدعواتنا وبشرع الله وحتى مفيش امتحانات السنة دى ولازم نولع فى الجامعة ونعيد السنة كلنا مفيش دراسة.
أنا عاوز اسال سؤال هو ليه احنا حنينين اوى كده مع المجرمين دول وفين الأيادى القوية، هؤلاء الاخوان المجرمون لن يستسلموا ابدا إلا إذا جردتهم من اسلحتهم وهذه الاسلحة هى المال وقناة الجزيرة والفقر والجهل واذا كنا مش قادرين على الفقر والجهل لازم نمنع عنهم الفلوس اللى بتييجى بالهبل.
أفكار للتأمل
نحن نولد شيوخا محشوين بعادات تجعلنا أقرب الى الموت منه الى الحياة.