"حاول ضربي والفيديو نصف الحقيقة".. موظفة التأمينات تكشف مفاجأة عن الواقعة بعد إيقافها عن العمل (شاهد)
تداول رواد مواقع التواصل الإجتماعي مقطع فيديو لـ موظفة التأمينات الإجتماعية، التي تم إيقافها عن العمل بعد اتهامها بالتعدي اللفظي على رجل مسن أثناء تواجده لإنهاء إجراء حكومي.
أول تعليق من موظفة التأمينات بعد إيقافها عن العمل
أكدت الموظفة أن لديها كل الحق في الرد على الإتهامات الموجهة إليها خاصًة بعد إيقافها عن العمل مشيرة إلى أن الرواية المتداولة عن الواقعة مأخوذة من زاوية واحدة فقط.
أوضحت الموظفة أن الشخص المعتدي عليها لفظيًا كان يريد الإصطفاف أمام شباك السيدات على الرغم من إخباره بأن هناك شباك مخصص للرجال، حيث قالت: “أنا مكنتش ناوية أطلع اتكلم في اللي حصل بس كان لازم اطلع ارد عليه لان مش دي كل الحقيقة ومش ده كل اللي بنواجهه في اليوم .. احنا بطبيعتنا لا عندنا ولا عمالة وطبيعة شغلي أنا وزميلتي استعلام، أنا استعلام سيدات وهي استعلام رجالة فالطبيعي بنقابل كل اللي جاي من الشارع”.
وتابعت: "فضلت اقنع الراجل ان ده طابور ستات وفي طابور للرجالة قالي لا هعمل البرنت من هنا فا سبته واقف وكملت شغلي و الشخص اللي كان بيصور كان واقف عند شباك الرجال واختار زاوية تصوير تخفي الورقة المكتوب عليها "شباك السيدات" وتظهر فقط شباك الزجاج وتظهرني وأنا بزعق وبالتالي المشاهد اللي شاف الفيديو ممكن ما يعرفش أصلا إن الشخص كان واقف عند شباك السيدات".
واستكملت: “الراجل لما رفضت اعمل البرنت وقلتله روح شباك الرجال تطاول عليا بالكلام والسباب لي ولأهلي ووالدتي ووالدي والمديرة والهيئة فا استفزني وطبيعي لازم ارد مع انها مش طبيعتي قال ألفاظ مينفعش أقولها والوضع مكنش حلو وكان داخل يضربني لولا واحد من الجمهور حاشه، كمان الشخص اللي كان بيصور كان عارف كويس إن التصوير داخل الهيئات الحكومية ممنوع إلا بتصريح رسمي ولذلك كان مخبي الموبايل أثناء التصوير”.
وأردفت: “الفيديو المتداول مقتطع من كامل الواقعة وبيظهر الجزء اللي أخطأت فيه بس لما رديت عليه من غير ما يظهر الاعتداء اللفظي اللي سبق ردي عليه ومحاولة اقتحام الباب للوصول ليا عشان يضربني قبل ما يهرب من المكان بمجرد ما الموضوع بدأ يكبر”..
واختتمت: “احب أقول للأستاذ اللي صور الفيديو وشيره على كل المواقع احب اقولك حسبي الله ونعم الوكيل فيك ربنا ينتقم منك انت وعيالك وأهلك كلهم وما تشوف يوم حلو أبدًا وحسبي الله في كل اللي أساء لي في كلمة مش فيا ولا في أهلي وفي تربيتي حسبي الله ونعم الوكيل في شهود على اللي حصل إني اتأذيت من الواقعة وعندي تحقيق في العاصمة الإدارية يوم الأحد”.
تابعوا آخر أخبار بوابة الوفد الإلكترونية عبر نبض