تنظيف الضرس بـ٩٥٠٠ جنيه.. المحامية هايدي الفضالي تكشف كارثة عن مستشفى شهير بمراسي
ناشدت المحامية هايدي فضالي جهاز حماية المستهلك بعد مرورها بتجربة مؤسفة مع مستشفى شهير في مراسي، وذلك من خلال منشور عبر حسابها الشخصي بموقع التواصل الإجتماعي الأشهر “فيسبوك”.
قالت هايدي فضالي: “احنا في مراسي و ابني النهاردة ضرسه طلع فيه خراج رحنا مستشفى الصفا اللي جنب بيتي بالظبط جوه الكمبوند الدكتور نظف له ضرسه في ١٠ دقائق بالظبط و كتب له مضاد حيوي رحت احاسب بره قالي ٩٥٠٠ جنيه هل ده طبيعي ولا لأ ؟!”.
وتابعت: “هو أنا دفعت لكن لما رجعت فکرت و قلت كان المفروض اعترض اعتقد جهاز حماية المستهلك لازم يتدخل في الاسعار كمان مش فقط في الجودة … و لا ايه رأيكم؟؟”.
سرعان ما انهالت تعليقات متابعيها مستنكرين قيمة الكشف المدفوع كما طالبوها بالتوجه فورًا بشكوى رسمية إلى كلا من مصلحة الضرائب وجهاز حماية المستهلك، وكانت أبرز التعليقات: “شكوي طبعا ازاي حضرتك دفعتي هو في كده … كتير جدا جدا لازم تشتكي … دا لو زرع مش هيبقا بالسعر دا … الف مليار سلامة ربنا يبارك … انت في مراسي متأكده والله شكله كدا شغله علي نظام هاواي او تكساس 9500 l.E يعني تقريبا $ 190 دا مرتب”.
كما علق آخرون: “الف سلامه على ابن حضرتك لكن هذا مبالغ فيه مع العلم برقى المكان … لا حضرتك لازم تشتكي و مصلحة الضرائب المصرية تحصل الضرائب بتاعتها كويس و لا ايه يا وزارة المالية مصر؟!".
تابعوا آخر أخبار بوابة الوفد الإلكترونية عبر نبض