بصور صادمة أثناء تواجدها بالمصحة..
هايدي الشابوري تكشف المستور وتفضح أكاذيب شقيقها بالأدلة (تفاصيل)
ردت فتاة بني سويف هايدي الشابوري على ادعاءات شقيقها واتهامه لها بالكذب والإفتراء عليه وعلى أسرتها بعد استغاثتها بوزارة الداخلية بسبب تعرضها للعنف الأسري، وذلك من خلال منشور عبر حسابها الشخصي بموقع التواصل الإجتماعي الأشهر “فيسبوك”.
هايدي الشابوري ترد على ادعاءات شقيقها بعد تكذيبه لها.. “متفصلتش من المحكمة وزملائي شاهدين”
نشرت هايدي الشابوري مجموعة صور لقدميها ويديها توثق إصابتها بحساسية مفرطة بسبب تلوث المصحة التي احتجزت بداخلها ونومها وسط البق والحشرات بحسب وصفها، حيث قالت: "ردا علي رد اخويا اللي قاله، عشان صاحب الحق صوته عالي، ولو انا غلطانه في اي حاجة حتي لو بنسبه ٠.٥٪ مش هطلع واتكلم … انا متفصلتش من المحكمة وكل زملائي هناك شاهدين علي كدة، قدمولي اجازة مرضية الشهر ده كله عشان يحبسوني في المصحة ولما زملائي ومدرائي في الشغل وصحابي سالو عليا قالولهم عامله حادثة وفي المستشفي، عشان محدش يوصلي ولا يعرف عني حاجة".
وتابعت: “ولو انا اقرب حد ليك فعلا ذي ما بتقول كنت هتحبسني ف مصحه وتدخل عليا اتنين رجاله يكتفوني ويخدروني وتطلب من مشرفه المصحه تديني ادويه نفسيه ذي المرضي وانت عارف وواثق اني مش مريضة وعارف انها بتتلف خلايا المخ.. اللي قريبه منك دي هتجلها المصحه وانت حابسها بعقودات عشان امضي عليها واتنازل..!!! ”.
واستكملت: “لله الآمر كان نفسي فعلا تبقي اقرب حد ليا وتحميني بعد وفاه بابا كان نفسي تبقالي ضهر وسند ذي ما بتقول مش اول واحد تنهش في لحمي وتبهدلني .. مخفتش عليا من مصحه واحد مات فيها !! أما بالنسبه للشخص اللي ذكره، ده شخص اتقدملي علي سنه الله ورسوله، وأنا قبلت ، شخص لاقيت فيه الرجوله والامان اللي ملقتهاش وسطيهم، لاقيت فيه الأب اللي اتحرمت منه ومن بعده اتبهدلت، وافقو عليه وطلبو منه حاجات كتير تعجز اي شخص، ومع ذلك عمل ال ٩٩ عشاني ، واثبتلهم انه شاريني، ولما لاقوه خلص كل دنيته، وخلاص داخلين في الجد قالولي تعالي نشوف الفرش اللي جابه والحاجات اللي جابها، قولتلهم يلا مفيش نص ساعه لاقيت داخلين عليا الاتنين اللي ذكرتهم البوست اللي فات”.
وأردفت : “ده ميديلهمش الحق انهم يعملو فيا كدة مهما حصل، انا نزلت البوست استغاثه عشان بيحاولو يوصلولي باي طريقه عشان اتنازل عن محضري بيدورو عليه وعملوله محضر واخواته كلموني اخونا بيضيع احنا عملنالك ايه عشان تعملي كدة اخويا كان بيحبك ، احنا مالناش ذنب في مشاكلك مع اهلك اخويا هيضيع بسببك…. نزلت البوست توجيهه اني ولا مخطوفه ولا اي حاجه انا عامله محضر بعدم رجوعي للبيت بسبب تعنفهم.. والمباحث اتواصلت معايا وقولتلهم انا مش مخطوفة واتوصلو علي رقمي الشخصي اللي كتباه في المحضر يعني دليل قاطع ومادي اني مش مخطوفه وان الشخص ده مالهوش علاقه وهو هيتولي اموره بالمحامي بتاعه، لكن حد الله ان حد يتاذي بسببي لمجرد انه كان متقدملي علي سنه الله ورسوله".
وأضافت: “أنا كل اللي بطلبه امان واعيش في استقرار عشان علي الاقل ارجع اعيش حياتي طبيعي بدل المرمطه اللي بقيت فيها واتخطى المحنة دي ربنا ما يكتبها على حد وأحاول انسى ال ٣٠ يوم عذاب اللي شوفتهم كل يوم الأكل بميعاد والنوم بميعاد النفس اللي بتنفسه بميعاد”، مشيرة إلى صور قدميها ويديها المرفقة مع المنشور وعلقت قائلة: "دي صور رجليا وايديا من قذاره المصحه والبق والحشرات اللي كنت بنام جمبهم، ودي صوره الشخص اللي بيقولو عليه شهر بيا ده مشهرش بيا ده خطيبي وكنا هنتجوز علي سنه الله ورسوله
بس اهلي قالولي لو هتتجوزيه يبقي تتنازلي عن كل حقوقك ولما اتمسكت بحقوقي حبسوني … انا لو معنديش حق في كل ده انا ولا هنزل ولا هحكي مشكلتي انا ليا صحاب ومعارف واكيد هخاف علي سمعتي بس فاض بيا خلاص انا سايبه الحكم لله عز وجل وفوضت امري لله وهمشي قانوني انا تليفوني بفتحه ارد علي صحابي اطمنهم واقفله تاني عشان محدش يوصلي الله اعلم هيعملو فيا ايه
واصحابي في الكومنتات اثبتو انهم سالو عليا كتير في غيابي واتقالهم دي في المستشفي وعملت حادثة".
واستطردت: “ودي صورتي الاخيره اللي اتصورتها اول ما عملت المحضر وقولت اني مش راجعه عشان تعنفهم معايا وانا ماشية في الشارع مش عارفه اروح فين ولمين لا سبوني اتجوز اللي بحبه، ولا سبوني ارجع لحياتي طبيعي تاني ذي اي بنت واعيش سني، قضو عليا نفسياً وجسمانياً، حتي بعد ما قولتلهم خلاص مش هتجوزه بس رجعوني لحياتي تاني، مردوش يطلعوني قالولي هتتنازلي ولما متنزلتش خرجوني عشان اتنازل بره وحبسوني في البيت لحد ميعاد التوكيل والتنازل”.
واختتمت هايدي الشابوري منشورها قائلة: “بس امر الله انه ينجدني منهم واقدر امشي واعمل محضر.. حتي مش عارفه انزل الشارع ولا اجيب اي حاجه عوزاها ولا اعيش حياتي طبيعي حابسه نفسي بين اربع حيطان لحد ما الحكومه والدولة توفرلي الحمايه وتجبلي حقي … حسبي الله ونعم الوكيل وكفى"، وحرصت في ختام منشورها على الاستغاثة بوزارة الداخلية ومحافظ بني سويف للمرة الثانية لإنقاذها من أسرتها.
تابعوا آخر أخبار بوابة الوفد الإلكترونية عبر نبض