البلد مش ناقصها مجموعة نخانيخ.. عمرو أديب يعلق على أزمة صبري نخنوخ
علق الإعلامي عمرو أديب على القبض على صبري نخنوخ والجدل الدائر حول الواقعة، قائلًا: «هي مصر لما تعوز تعمل حاجة محتاجة صبري نخنوخ؟.. هي الدولة دي ناقصها صبري نخنوخ أو مجموعة نخانيخ؟.. التخيل بتاع المواطن المصري للأشياء فيه مشكلة كبيرة».
وأضاف عمرو أديب خلال برنامج «الحكاية» المذاع عبر شاشة «MBC مصر»، مساء الجمعة: إن كثيرين من المصريين ظنوا أن واقعة القبض على صبري نخنوخ لن تستمر طويلًا، وأنه سيتم الإفراج عنه سريعًا، إلا أن قرارًا صدر بحبسه على ذمة التحقيقات.
وتابع: «فيه سؤال محدش سأله.. الناس كلها بتحكم على اللي حصل من خلال وجهة نظرها في الراجل، وإن كان دخل السجن قبل كده أو حصل على أحكام.. الأمر المهم إنك لو غلطت تتعاقب، ولو ما غلطتش ما تتعاقبش، لكن العقاب مش بالسمعة».
لو الراجل غلط يتسجن ولو معملش حاجة يطلع براءة:
وأردف: «لو الراجل غلط يتسجن، ولو معملش حاجة يطلع براءة.. لكن ليه كلنا فجأة نبقى قضاة؟.. وأنا كلامي عن الواقعة دي تحديدًا.. وناس قالت إن فيه وقائع أخرى.. لو هو مدان فيها لا ينفع تبقى زيادة ولا أقل.. لو أخطأ يُدان، ولو لم يخطئ لا يُدان.. الأمر مش بالسمعة ولا بالبلطجة».
ولفت إلى أن وزارة الداخلية تعاملت مع واقعة صبري نخنوخ شأنه شأن أي مواطن في مصر، مؤكدًا أن فكرة الاستثناءات في تطبيق القانون أمر غريب، وقال: «لما نطبق القانون يبقى اللي غلط يتعاقب».
وأضاف: «هناك نيابة محترمة، وداخلية محترمة، وقضاء محترم، ومحامون محترمون.. ومن البديهي إن اللي غلطان يتعاقب، واللي ما غلطش يُفرج عنه.. هو ده البديهي في الأمور».
واختتم قائلًا: «هي مصر واقفة على نخنوخ؟.. ولا من غيره مش هتعرف تعيش؟.. ليكن هذا الأمر إثباتًا أن هناك حقوقًا».
تابعوا آخر أخبار بوابة الوفد الإلكترونية عبر نبض