غرقت قدام عيني.. والدة الطفلة تيا تكشف تفاصيل حادث الغرق| وآخر صورة قبل وفاتها بلحظات (شاهد)
أبكت والدة الطفلة تيا رواد السوشيال ميديا بكلمات مؤثرة في وداع ابنتها خلال أول تعليق لها بعد رحيلها، لتروي اللحظات الأخيرة في حياتها، بعدما لقيت مصرعها غرقًا خلال نزهة مائية تحولت إلى مأساة إنسانية.
اللحظات الأخيرة للطفلة تيا قبل وفاتها غرقًا في النيل
نشرت والدة تيا آخر صورة جمعتها بطفلتها وأرفقتها برسالة مبكية قائلة: “مكنتش اعرف ان دي اخر صورة لينا مع بعض يا حبيبتي … تيا بعد الصورة دي راحت قعدت على الكرسي اللي كنا قاعدين عليه و ناديت على اخوها يتصور معايا زيها في لحظة قامت وقفت على الكرسي مش فاهمة و لا عارفة استوعب قامت وقفت فوق الكرسي ليه ثواني و اختل توازنها و وقعت في المايه”.
والدة الطفلة تيا المتوفية غرقًا في العيد: حاولت اعوم و أوصلها بس للأسف كنت هغرق.
وأضافت: “عقلي شت سواق المركب نزل وراها و نسى المركب ماشية عقبال ما البنتين اللي شغالين في المركب استوعبوا وقفوا المركب السواق حاول ينقذها معرفش و رجع و سابها في المايه البنتين كانوا ماسكين طوق علشان ينزلوه السواق شديتها من أيدهم و لبستها و حاولت اعوم و اوصلها بس للاسف كنت هغرق”.
آخر صورة للطفلة تيا قبل وفاتها بلحظات
وأردفت: “و الله يا تيا انتي كنتي احلى حاجة في عمري كنت لما برجع من الشغل كنت بروح جري علشان اخدك في حضني و انام ضحكتك كانت عندي بالدنيا كنتي على طول تقوليلي انا عيزاكي و ارد و اقولك انا كمان عايزاكي انا كمان عايزاكي يا تيا”.
واختتمت: “انتي كنتي شقية و ذكية و جميلة و حنينه جدا و قلبك طيب .. انتي احلى من انك تعيشي الدنيا الوحشة دي … ادعولي تزورني في المنام”.
تابعوا آخر أخبار بوابة الوفد الإلكترونية عبر نبض
- تيا
- الطفلة تيا
- والدة الطفلة تيا
- آخر صورة للطفلة تيا قبل وفاتها بلحظات
- تصريحات والدة الطفلة تيا المتوفية غرقا في العيد
- العيد
- اللحظات الأخيرة للطفلة تيا قبل وفاتها غرقا في النيل
- اللحظات الأخيرة للطفلة تيا قبل وفاتها
- اللحظات الأخيرة للطفلة تيا
- صور الطفلة تيا
- من هي الطفلة تيا
- تطورات حادث الطفلة تيا
- منوعات
- ترند
- أخبار عاجلة
- عاجل