"لا تتناسب مع مجتمعنا".. فريدة سيف النصر تنتقد مسلسلات رمضان 2026
أعربت الفنانة فريدة سيف النصر عن استيائها من بعض المشاهد المعروضة خلال موسم دراما رمضان 2026، مؤكدة أنها تحمل أخطاء درامية واضحة، خاصة في طريقة تقديم العلاقات بين الشخصيات، مشيرة إلى أن بعض المسلسلات تضمنت أفكارًا وتفاصيل غير مناسبة لطبيعة المجتمع المصري، معتبرة أن هذا النوع من المشاهد قد يسيء إلى القيم الاجتماعية، وأن صناع الأعمال الدرامية يتحملون مسؤولية كبيرة تجاه ما يُعرض على الشاشات، والعمل التلفزيوني ليس مجرد تسلية، بل له تأثير مباشر على وعي الجمهور وسلوكياته.
فريدة سيف النصر تهاجم صناع مسلسلات رمضان
قالت فريدة سيف النصري عبر حسابها الرسمي على فيسبوك :"لاحول ولاقوة الا بالله.. مش عايزه اتكلم بس ما قدرتش.. يا جماعه ما ينفعش اجيب مثلا أمن أو سواق مع بنتى يحافظ عليها والاقى الأمن داخل غراميات مع اللى بيحرسها وبنتها عند ابوها وسواقها بيزعق لها وغيران".
وأضافت فريدة :"يعنى بتفهموا اللى بيشتغلوا يعملوا ايه بالظبط، اه كلنا ولاد تسعه بس كده غلط احنا بنفتح عينين على حاجات تودى فى داهيه، نمشى الناس اللى جايبينهم ونجيب ستات ولا نهبب ايه ده كلام والمفروض البنت تصارح أهلها وماتسمحلوش يكلمها كده".
وتابعت الفنانة :" هو المفروض جاى يبلغ ابوها بأى حاجة احنا ها نخيب ولا ايه.. طبعا الكلام ده تمثيل فى مسلسل أنا شخصيا بحبه وبحب نجمته جدا ومؤلفه وكلهم بس برضه مش كده احنا مش اجانب وانا كأم ولى حفيدتين ما ينفعش يلاقوا ده عادى علاقات وصداقه مع جارد أو سائق وغيره وحب وايه الكلام الفاضى ده".
واختتمت فريدة سيف النصري كلامها :" للى عندنا بيقلدوا هوا الوحش قبل الكويس.. ربنا يستر على ولادنا والله ونرجع نلوم على السواقين ياريت ماحدش يزعل من صراحتى.. وانا مش عنصريه لكن مش لازم ننسى أن فى اصول ملحوظه كمان فكرة المساكنه عند الكدوانى قومتنى من على الكنبه قفزا والله.. هاكتبها لوحدها".
دعوة للالتزام بالمجتمع والقيم
وطالبت الفنانة بأن تكون الدراما وسيلة لنقل رسائل إيجابية، مع احترام العادات والتقاليد، لتجنب الانحراف عن الخطوط الحمراء التي يحددها المجتمع، مشيرة إلى أن الجمهور يتابع الأعمال بعين ناقدة ويجب أن يُقدم له محتوى يليق بثقافة المجتمع.
تابعوا آخر أخبار بوابة الوفد الإلكترونية عبر نبض