ستوري محمد سامي تُعيد ترتيب مسلسل عمرو سعد من القمة إلى المركز السادس

أثار المخرج محمد سامي جدلًا واسعًا بعد نشره "ستوري" عبر حسابه الرسمي على موقع تبادل الصور والفيديوهات الأشهر إنستجرام، هنأ خلالها الفنان عمرو سعد على نجاح مسلسله، حيث كتب: “ببارك لأخويا وصديقي النجم عمرو سعد إن مسلسله في التوب 10 وبيحتل المرتبة رقم 6، وتستاهل يا عمرو.. أنت محترم ومجتهد وبتعمل مجهود كبير جدًا”.

وجاءت هذه التهنئة بعد منشور شاركه عمرو سعد عبر حساباته على مواقع التواصل الاجتماعي، استعرض خلاله تقييمات المسلسلات المعروضة حاليًا، مؤكدًا أن مسلسله افراج يحتل المركز الأول بين المسلسلات بعد برنامج رامز ليفل الوحش الذي تصدر قائمة الأكثر مشاهدة.

وعقب ذلك، تداول عدد من رواد مواقع التواصل الاجتماعي تعليق محمد سامي على نطاق واسع، معتبرين أن نشره ترتيب المسلسل في المركز السادس قد يكون ردًا غير مباشر على منشور عمرو سعد الذي أكد فيه تصدر عمله للترتيب.

كما أشار بعض المتابعين أن هذه ال"الاستوري" جائت منه  لتأكيد أن المسلسل الذي يحتل المركز الأول في قائمة المسلسلات هو العمل الذي تقوم ببطولته زوجته الفنانة مي عمر، وهو ما فتح باب التكهنات حول وجود منافسة قوية بين الأعمال الدرامية المعروضة حاليًا.

وكان قد نشر محمد سامي، مقطع فيديو، عبر حسابه على "فيسبوك" تحدث خلاله عن اللغط حول لقب "رقم 1" سواء من النجوم أو الذي يطلق على المسلسلات.

وقال محمد سامي: "أنا عامل الفيديو ده للجمهور لتوضيح حاجات معينة، بالنسبة لفكرة رقم 1، لفت نظري ان فيه فيديو لزميل غالي عندي جدا وماسك فيه بعض المستندات وأوراق وبيقول أنا المسلسل رقم 1، فكرة المسلسل رقم 1 دي فكرة محتاجة بذل مجهود عشان الواحد يقدر يقول ده المسلسل رقم 1".

وتابع: "أولا بيبقى فيه محتوى بيلقى استحسان الجمهور بيحصل حواليه تداول في الشارع تفتح الإنترنت تلاقيه، تفتح السوشيال ميديا تلاقيه بيعمل حالة رواج بين الجمهور وبكده يبقى المسلسل يبقى رقم واحد أو من الأرقام الأولى ما بين الجمهور بيتكلموا عنه، وفي حاجة اسمها توثيق، زي المنصات اللي موجودة لانهم بيبقوا عارفين وحاسبين مين بيتفرج على ايه، اما عن التلفزيون فهو صعب جدا في بعض الدول زي مصر، انك تقدر تقول مين اتفرج على ايه وبيحصل اجتهادات محترمة من شركات عشان تقدر توصل للحساباات دي".

وأضاف: "وأنا النهاردة كنجم أطلع أقول أنا رقم 1 على شيء مقدرش أثبته لأن جعفر العمدة مثلا كان رقم 1 في التلفزيون كان رقم 1 في الشارع وعلى المنصة، والمسلسل اللي بيبقى رقم 1 في حته بيبقى رقم 1 في كل حته، الحاجة التانية اني اطلع أقول المسلسل بتاعي أعلى تقييم اخر 10 سنين، الناس تضحك عليك على طول، ولو سأل الجمهور ايه اكتر مسلسل رائج اخر 10 سنين مع احترامي لكل زمايلي ومسلسللاتهم، لكن فيه مسلسل اسمه جعفر العمدة هو ظاهرة مفيش مسلسل تاني وصل لحالة الرواج دي، زي ما بنقول برنامج رامز جلال ظاهرة".

واستكمل: "وبالتالي لما بنيجي النهاردة نحاول نغفل الجمهور وأقول أنا مسلسلي ده الأعلى آخر 10 سنين، الجمهور يعلم جيدا، رقم 1 ده ليه دلالات في حالة التجاوب مع الجمهور، زي مسلسل عين سحرية لقيت فيه تجاوب من كل الناس ومسلسل اتنين غيرنا سمعت من كل الناس ان فيه ناس متجاوبة وناس حابة العلاقة، مسلسل هي كيميا ايه اللذاذة اللي فيها مصطفى غريب، ومش عاوز انسى حد سمعت عن مسلسل صحاب الأرض لإياد نصار ومنة شلبي، سمعت ان فيه مسلسلات كتيرة فيه تجاوب، وفيه مسلسلات مسمعتش عنها حاجة خالص، ومينفعش مسلسل مش تشاف اطلع أقول للناس انه مكسر الدنيا".

وعن فكرة الأعلى أجرا، أضاف: "نفس الموضوع على فكرة الأعلى أجرا، مينفعش أطلع أقول أنا الأعلى اجرا، وافتكر كله معروض اجره كام لانه بيدفع ضرايب، وتعالوا نعمل زي نجوم هوليوود لما بيمضوا على فيلم او مسلسل بياخدوا صورة للأجر وبينزلوها على السوشيال ميديا".