كلمات قاسية من حسام حبيب تُشعل أزمته مع شيرين عبدالوهاب
أثار الفنان حسام حبيب حالة من الجدل الواسع، بعدما نشر مقطع فيديو عبر حسابه الرسمي على موقع التواصل الاجتماعي «إنستجرام»، وجه من خلاله رسالة وصفت بالقاسية، من دون الكشف عن أي تفاصيل واضحة، وذلك عقب الأزمة الأخيرة التي مرت بها الفنانة شيرين عبدالوهاب.
وخلال الفيديو، قال حسام حبيب: "عزيزي الظالم، متستغربش إني بقولك عزيزي، أنت ليك فضل كبير عليا، ولا ينكر الفضل إلا جاحد، فمش معقول أبخس حقك زي ما بخست حقي، ولا أنكر فضلك زي ما نكرت فضلي، ولا يمكن أظلمك زي ما ظلمتني".
كما تابع حديثه قائلاً: "فيا عزيزي تبرعك بحسناتك في ميزاني ده شيء يحسبلك، الحجاب اللي اتشال بين دعوتي وبين ربنا كان ليك كل الفضل فيه، العوض اللي بشوفه في حياتي من ناس أفضل منك بتعرف تقدر، فرص بتتفتح رغم أنفك ده كان بسببك، أنا بس مش صعبان عليا في الحكاية دي حد غيرك، يمكن أكتر كمان من نفسك".
محمد عبدالوهاب شقيق شيرين عبدالوهاب:
من ناحية أخرى هاجم محمد عبدالوهاب، شقيق الفنانة شيرين عبدالوهاب، الإعلامية بسمة وهبة، من خلال منشور له، عبر حسابه الشخصي بموقع التواصل الاجتماعي “فيس بوك”.
وكتب شقيق شيرين عبدالوهاب،: "الأستاذة بسمة وهبة.. يا ريت حضرتك ما تعمليش بتحبيها أوي كده، دا أنتي جيبتي طليقها مخصوص في رمضان عشان تقطعو فيها، ولما البرنامج اتوقف، كنتي بتطلعي لايف من “إنستجرام” وتتصلي بيا، وبردو تقطعي فيها".
وأضاف شقيق شيرين عبدالوهاب: "مش عيب على إعلامية كبيرة ومخضرمة زي حضرتك، لما واحد زي ده يقولك: أنا علِّيت سعر شيرين بره مصر، وأنتي تعديها عادي؟ وهو أبعد حفلة عملها في بورتو المنيا".
وواصل شقيق شيرين عبدالوهاب، منشوره: "يعني شيرين اللي وقفت على أكبر مسارح الوطن العربي، قرطاج، وجرش، وهلا فبراير، وليالي دبي، وسوق واقف، وأوبرا عمان، ولفت معظم أوروبا وأمريكا قبل ما تشوف وشه أصلًا، كان من باب المهنية تسأليه سؤالًا واحدًا: جبت الخِبرَة دي منين عشان واحد زيك يعلِّي سعر أكبر مطربة في الوطن العربي؟.. يا أستاذة ده مركبش طيارة غير مع شيرين.. عيب والله".