رسالة قوية لاذعة من المخرج ياسر سامي ردًا على تصريحات صلاح الجهيني
وجه المخرج ياسر سامي رسالة لاذعة للمنتج والمؤلف صلاح الجهيني ، بعدما أدلى الأخير بتصريحات أقحم خلالها اسم ياسر بطريقة غير مهنية تخص فيلم "المطاريد" الذي لعب بطولته الفنان أحمد حاتم منذ أربعة سنوات.
وعلق ياسر في بيان صحفي نشره عبر صفحته الرسمية على فيسبوك، قائلًا: الحقيقة طوال حياتي المهنية الطويلة واللي اشتغلت فيها مع كبار المؤلفين المحترمين وكبار شركات الإنتاج المصرية والعربية والمنصات العالمية وكبار نجوم ونجمات مصر والعالم العربي، لم انخرط يومًا في مشادات ومهاترات السوشيال ميديا لأني شايف إن اللي بيعمل كده ببساطة فاضي وتافه وبيبحث عن تريند رخيص.
وأردف: بس بما إن الأخ صلاح الجهيني ذكر اسمي في منشور، فوجب الرد، أولًا دور الأساتذة والظهور الإعلامي والتحدث بصيغ العارف بالسيناريو والإنتاج والإخراج مش لايق عليك لأنك لا دارس ولا فاهم ومجرد بلونة أفلام أكشن تجارية ذات بلوت تيست مكرر صنع نجاحها مخرج واحد عملاق اسمه طارق العريان نجوم ذوي جماهيرية كبار قدروا يصنعوا من ورقك الفسيخ شربات، ولو شلت طارق العريان من تاريخ والدعم السعودي العظيم، هتلاقيك واقف لسه في طابور على باب مكتبي عايز تقابلني لأني مخرج ناجح وليا اسمي من أيام ما أنت مكنتش حد يعرف عنك حاجة.
واختتم ياسر بيانه، مضيفًا: ثانيًا لو نظرنا لأفلام حضرتك مش هتلاقي لا قيمة ولا رسالة ولا هدف غير الإيرادات وبس فسيب التنظير لناس عندها أعمال ليها أثر وثقل هيفضل في التاريخ، ثالثًا انت لو فنان بشلن أو حتى إنسان بربع جنيه كنت سيطرت على نفسك قبل ما تخش تغلط فيّا لأنك عايز تعمل تريند بعد ٤ سنين من تصوير الفيلم لكن للأسف أنت إنسان تعبان وفاضي لذلك مهما تعوي في بوستات جايه مش هرد لأني ببساطة مش فاضيلك، وأخيرًا "إذا أتتك مذمتي من ناقص.. فهي الشهادة بأني كامل".
