سبب طلاق الفنانة جيهان سلامة بعد أسبوع زواج
كشفت الفنانة جيهان سلامة كواليس مشاجرتها مع زوجها بسبب دورها في فيلم «لحم رخيص»، موضحة تعديه عليها بالضرب بعد أسبوع من الزواج، كونه شاهد دورها الذي وصفه بالجريء في فيلم «لحم رخيص» مع المخرجة إيناس الدغيدي.
جيهان سلامة: أتمنى تقديم دور مريضة سرطان في عمل فني لأنني تعايشت مع المرض
وقالت الفنانة جيهان سلامة في برنامج «تفاصيل» مع الإعلامية نهال طايل عبر فضائية صدى البلد 2، قائلة: «زوجي أتعرف عليا بعد ما قدمت دوري في فيلم لحم رخيص وكان بيحبني قوي، وبعد ما اتجوزنا بأسبوع ضربني لأنه اتفاجئ إنه ما كانش شاف الفيلم بس أنا حسيت إن دي قصة وهمية عملها علشان أعتزل التمثيل وأقعد في البيت، ومش عارفة عمل ليه اللفة دي كلها رغم إنه كان ممكن يكون واضح من البداية».
وأشارت الفنانة جيهان سلامة إلى أن الانفصال حدث مباشرة بعد مشاجرتها مع زوجها، وأن الزيجة لم تستمر لمدة عامين، كما أوضحت أنها تتمنى تقديم دور مريضة سرطان، كونها عاشت فترة كبيرة مع المرض، معلقة قائلة: «أنا عشت مع المرض وشفت خطورته، وللأسف بقيت عارفة إن المرض ده لما بيجي للشخص بيفكر إزاي، وإن خطورة المرض مش في المرض نفسه ولكن في طريقة العلاج والاستقبال ليه».
واختتمت الفنانة جيهان سلامة: «المرض ده صعب والمشكلة ان الناس بتتخض لما بيتقال أنه مصاب بسرطان بس لازم الشخص يصدق ويامن بالله وشخص يكون وقي وأنه يفوض أمره لله لكن اللي بيحصل أن الناس بتصدق أول دكتور لما يقولهم هتاخدوا كيماوي وأنا النوع بتاعي طلع مينفعش ليه علاج كيماوي غير الحراجة».
https://www.facebook.com/share/p/17qWAXZDXe/