ريهام سعيد تعاير أحمد العوضي برسالة مسيئة.. ما القصة؟
"جزمتهم أحسن منك هزأت نفسك".. ريهام سعيد تعاير أحمد العوضي برسالة مسيئة (ما القصة؟).
وجهت الإعلامية ريهام سعيد رسالة شديدة اللهجة للفنان أحمد العوضي بعد تصريحاته الأخيرة عنها على هامش حضوره مهرجان الأفضل، التي رد من خلالها على انتقادها له بعد تصريحه بأنه الأعلى أجرًا والأعلى مشاهدة.
أحمد العوضي عن ريهام سعيد: إعلامية مهمة وجميلة وعندها حلقة مع محمود حديدة من أقوى الحلقات:
وقال أحمد العوضي ردًا على سؤال المذيع: “ايه رأيك في اللي قالته ريهام سعيد عنك؟”: “مشوفتش كلامها بس هي إعلامية مهمة وجميلة وليها حلقات جميلة وأزمتها مع كروان مشاكل، أنا كنت متحيز ليها وعندها حلقة مع محمود حديدة من أقوى الحلقات”.
ريهام سعيد لأحمد العوضي: محمود حديدة وذوو الاحتياجات الخاصة جزمتهم أحسن منك:
سرعان ما خرجت ريهام سعيد لترد على العوضي في منشور عبر حسابها الرسمي بموقع التواصل الاجتماعي الأشهر “فيس بوك” قبل أن تحذفه خلال الساعات الماضية.
وكتبت ريهام سعيد: “انت مصمم تجيب الكلام لنفسك، اللي عملت أقوى حلقة مع محمود حديدة دي يا متنمر وهي كانت حلقة إزاي السوشال ميديا والمنتجون بيتاجروا بذوي الاحتياجات الخاصة”.
ريهام سعيد تهاجم أحمد العوضي: أنا مش زيك بشتري الناس بالفلوس واعملهم مسابقات:
وأضافت: “أنا فعلًا عملت أقوى حلقات في التاريخ لما رحت رفح ونزلت الأنفاق ورحت وسط الضرب في فلسطين، وملیون حلقة اتفرج عليها العالم، العالم بجد مش هزار مش ناس بشتريهم بالفلوس وأعمل لهم مسابقات”.
ريهام سعيد تعاير أحمد العوضي: كنت بتدور على واحدة تتجوزها وتعيش في بيتها ولا قدرت تصرف عليها، عملت منك بطل واديتك فرص كان بقالك عشرين سنة بتحاول تاخدها
وأردفت ريهام: “عالجنا آلاف آلاف الحالات والأطفال وفتحنا أول مدرسة لذوي الاحتياجات الخاصه عشر سنين، وانت كنت بتدور على واحدة تتجوزها وتعيش في بيتها وانت ولا تقدر تصرف عليها ولا أدها، عملت منك بطل واديتك فرصًا كان بقالك عشرين سنة بتحاول تاخدها والفولورز اللي بتشتريهم بمسابقات دول أصلًا عندك عشان انت جوزها”.
ريهام سعيد لأحمد العوضي: أنا شايفة إنك هزأت نفسك بما فيه الكفاية ورصيدك بيسموه مسلسلين يا راجل ده أنا مثلت أكثر منك
واختتمت ريهام سعيد رسالتها للعوضي قائلة: “أنا شايفة إنك هزأت نفسك بما فيه الكفاية واللي مش بيعترف بالجميل غالي ومستواه عالي، افتكر كل الفشخرة الكذابة دي ورصيدك بيسموه مسلسلين يا راجل، ده أنا مثلت أكثر منك”.
- أحمد العوضي
- ريهام سعيد
- مهرجان الأفضل
- تعليق أحمد العوضي على تصريحات ريهام سعيد
- رسالة ريهام سعيد لأحمد العوضي
- تصريحات ريهام سعيد عن أحمد العوضي
- محمود حديدة
- ذوي الاحتياجات الخاصة
- ريهام سعيد تهاجم أحمد العوضي
- ريهام سعيد تعاير أحمد العوضي
- ياسمين عبد العزيز
- أزمة ريهام سعيد وأحمد العوضي
- خناقة ريهام سعيد وأحمد العوضي
- منوعات
- ترند