نفسيتي صعبة ارحموني.. أم مكة تروي لحظاتها الأولى بعد العودة للشارع
نشرت صانعة المحتوى الشهيرة بـ"أم مكة" أول تعليق لها عبر صفحتها على فيسبوك بعد الإفراج عنها، في رسالة مطولة كشفت فيها عن مشاعرها خلال أول يوم تخرج فيه للشارع بمفردها منذ بداية أزمتها، مؤكدة أنها تمر بحالة نفسية صعبة بعد فترة التحقيق التي امتدت لأربعة أشهر.
وقالت أم مكة في منشورها الذي نشرته على حسابها الشخصي بموقع فيسبوك:" مساء الخير انتو عارفين مش كل حاجه هتتحكي وتنقال ولكن هنا الصفحه دي وسيط ديما بيني وبينكم نتكلم فيها مع بعض أنا نهارده كان أول يوم انزل الشارع امشي في خوفت أسوق العربيه لأني بقالي ٤ شهور مش بسوق فركبت أوبر ونزلت اشتري ترنجات لولادي علشان مش عندهم ترنجات أنا ماشيه في الشارع مش عارفه امشي هنتعبر مثلا لو بتحبوني هنتصور سواً حاضر مفيش اي مشكله محبتكم كنز".
وطلبت أم مكة من الناس عدم توجيه أسئلة محرجة لها في الأماكن العامة، مثل: “خرجتي من السجن إمتى؟” أو “الحكومة خدت فلوسك؟”، موضحة أنها لم تكن في سجن وإنما كانت في قسم شرطة خلال فترة تحقيق، وأن وجودها داخل القسم لم يكن عقوبة وإنما إجراء قانوني ، قائلة:" ولكن انسانيه بلاش حد يقولي أو يشاور عليه ويقولي في وسط ناس كتير خرجتي من السجن أمته خلاص يا ام مكه مفيش اعضا. ء. هو الحكومه خدت فلوسك ؟ فلنفرض أنا مع ولادي في الشارع تعلي صوتك وتقولي خرجتي من السجن اولاً هنوضح أنا مكنتش في سجن انا كنت في قسم وكنت في فتره تحقيق متحفظ عليه احترم القانون وفتره التحقيق حظي أني كنت جوا مش بره ولكن اجراء ولا بد منه أنا راضيه ".
وأكدت أنها بريئة ولم ترتكب أي خطأ في حق أحد، موضحة أن ظهورها في فيديو “أم سجدة” كان رد فعل على اتهامات وجهت إليها بشأن تجارة الأعضاء، وهو ما نفته بشكل قاطع.، قائلة:"لكن يعلم الله أني بريئه والله واني مش اذنبت في حق حد غير نفسي وظهوري في فيديو ام سجده كان رد فعل لمروه. لاتهمها ليه بتجاره اعضا. ء ".
وطلبت من الجمهور التحلي بالرحمة، قائلة:"أرجو منكم الرحمه أنا محتاجه أكمل انا عاوزه أكمل عندي أطفال وليهم مستقبل لسه بنبتدي نفسيتي صعبه الأيام دي أنا عشت فتره وحشه اوي اوي مش هتمنها لحد خالص الله مستعان ".
