لاعب المصري السابق يفتح النار على حسام حسن بعد الخسارة من أوزباكستان

 شن محمد أشرف، مهاجم فريق المصري البورسعيدي السابق، هجومًا لاذعًا على الجهاز الفني لمنتخب مصر، بقيادة حسام حسن، بعد الخسارة في المباراة الودية الدولية أمام أوزباكستان بثنائية نظيفة أمس الجمعة.

 ولعب محمد أشرف ضمن صفوف المصري البورسعيدي أثناء تواجد حسام حسن كمدير فني للفريق في وقت سابق.

 وقال محمد أشرف عبر حسابه الرسمي على موقع التواصل الاجتماعي “فيسبوك”: “عشوائية في الاداء، زعيق وتهليل طول الـ٩٠ دقيقه ولا جملة وشكل ولا طريقه لعب ولا تمركز ولا استحواذ ولا ضغط ولا تنظيم”.

 وتابع: “قاعد بتفرج على مدرب قاعد بيقول اضغط ويشوار برقم اتنين اللي لحد دلوقتي وأنا بلعب معاه نفسي أعرف معناها، يا ريت اتحاد الكرة يخلصنا من الهم ده متكرهوناش في منتخب بلدنا”.

 وأضاف: “مع كامل احترامي انا مش مع انتقاد اللعيبة، النهارده حرفيًا كمية عك فني مش طبيعية ٣ ورا فيهم سردباك واحد وباكين اساسًا عندهم نواحي هجومية اكتر من دفاعية، ٢/ اتنين فروده أساسًا معندهمش سرعات عشان تلاعب واحد فيهم هاف، ٣/ بتلاعب مهاجم صريح في نص الملعب و اصلا ازاي ولد صغير اول تجمع ليه تبدء بيه و تحرقه وللعلم حسبتها عليه و مش هتجيبه تاني ٤/ حسن شحاته واحد بس و ٣ ورا لما يبقي عندك ٣ مساكين مميزين بطلوع بلكرة و طرفين سراع ”.
 وأتم: “ مباراه مليانة أخطاء فنية بجملة وعك كروي هنتحاسب عليه في الرسمي، معلومة أخيرة دلوقتي إمام عاشور بقي من الغيابات مش ده اللي مكنش بيروح المنتخب وهو أحسن لاعب في مصر”.