مدحت العدل يكشف مفاجأة: كتبت قصيدة اسمها "صوت الست" وهصدرها في كتاب قريبا
كشف السيناريست مدحت العدل عن إن قراره بإنتاج ميوزيكال عن أم كلثوم جاء بدافع شخصي وفني، وذلك خلال لقائه مع الإعلامية منى الشاذلي ببرنامج “معكم”، المذاع عبر شاشة ON.
مدحت العدل: حاسس إني اتولدت عشان أشتغل ميوزيكال لأني شاعر وبتاع دراما فربنا كان محوشني للحتة دي
وأضاف مدحت العدل : "كان في شغف زي أول يوم، بروفات استمرت ست أو سبع شهور، وكلهم كانوا فرحانين بنفس الحماس اللي حضرتك شوفتيه، وأنا عشقت الميوزيكال، وحاسس إني اتولدت عشان أشتغل ميوزيكال، لأني شاعر وبتاع دراما، فربنا كان محوشني للحتة دي."
وأردف مدحت العدل: “استقريت على فكرة أم كلثوم بعد اقتراح من فريق شركته ماد سوليوشن بمناسبة مرور 50 عامًا على رحيلها، قلت لهم أنا هعمل عن أم كلثوم. وأنا ماشي كتبت قصيدة اسمها (صوت الست)، وكنت ناوي أعمل فويس أوفر بقصائد وسط المسرحية، لكن قررت أشيلها علشان الإيقاع ما يقلش، وهصدرها في كتاب قريب.”.
وتابع العدل قائلاً: "على كثرة ما كتبت، والحمد لله نجحت في حاجات كتيرة، لكن أجمل وأكثر الأعمال اللي كتبتها بشغف يفوق الوصف هي مسرحية أم كلثوم".