أحمد مراد يكشف كواليس مشهد غرفة العزل في "الفيل الأزرق 2"
كشف الكاتب أحمد مراد عن كواليس مشهد مؤثر من فيلم "الفيل الأزرق 2"، والذي عُرض لأول مرة في دور السينما عام 2019، من بطولة النجم كريم عبد العزيز والفنانة هند صبري.
ونشر مراد عبر حسابه الرسمي على موقع "إنستجرام" صورة من كواليس الفيلم، وعلّق قائلاً: "من كواليس الفيل الأزرق 2، في الصورة دي أنا جوه غرفة العزل مع لوليا... الدور اللي أدته الفنانة هند صبري ببراعة."
وتحدث مراد عن عمق المشهد قائلاً: "الشر الرجالي غالبًا مباشر، صريح، خشن، لكن لما يلبس وش أنثى بيبقى أضعاف: أذكى، أهدأ، وأقدر على التسلل جوا النفس... لحد ما تفتح له الباب بنفسك من غير ما تحس."
وأضاف: "غرفة العزل مرآة... المكان اللي بتقعد فيه لوحدك وتواجه نفسك من غير أقنعة، من غير أصوات تشوّش، من غير جمهور بيصدق صورته عنك."
واختتم مراد حديثه : "الانفراد بالنفس يا إما يطلّع أسوأ ما فيك، يا إما أحسن ما فيك... بتشوف الوحش اللي جواك أو الملاك اللي كنت ناسيه.. كل مرة أرجع للصورة دي، أفكر إن أحيانًا أخطر المعارك مش اللي بنخوضها ضد غيرنا... دي اللي بتحصل جوانا. لا تخافوا ولكن احذروا."