شاهيناز تكشف لأول مرة أسرارا عن حياتها الشخصية.. وكواليس أزمتها الصحية بسبب التخسيس
أكدت الفنانة شاهيناز أنها تفضل الابتعاد عن مشاركة حياتها الخاصة عبر وسائل التواصل الاجتماعي، موضحة أن ذلك قرار اتخذته بعد تجربة طويلة، وقالت: «مبحبش أظهر حياتي الخاصة على السوشيال ميديا، وبمرور الوقت اكتشفت إن دا فدني أنا، وأحيانًا بقول يمكن في ناس العكس، والجمهور بيكون حابب يعرف الجانب الإنساني أكتر، لكني حسيت إن لا، الفنان مش إنسان عادي، كل حرف بيتقال أو تصريح أو صورة بتتحسب عليه وبتدخل في تاريخه، فمحبتش أخلط حياتي الشخصية بشغلي».
شاهيناز تكشف تفاصيل حياتها الشخصية وأزمتها الصحية
وأضافت: «أنا وأسرتي بنستحمل بعض، خصوصًا وقت الضغط في الشغل، ولو تعبت بيقفوا جنبي جدًا. أنا أم حريصة زيادة عن اللزوم، وده بيخليني أحيانًا بخنقهم شوية لأني بحب أعرف كل كبيرة وصغيرة عنهم، لكن ده من خوفي واهتمامي بيهم».
وتحدثت عن وعكتها الصحية التي تسببت في خسارتها الوزن مؤخرًا، موضحة أن السبب كان مشاكل في الجهاز الهضمي أثرت على نظامها الغذائي بشكل كبير، وقالت: «خسيت بسبب جهازي الهضمي، كان عندي مشاكل خلتني مقدرش آكل طبيعي زي الأول، ولفيت على دكاترة كتير، وكلهم قالولي الحل إن لازم أغير نظام الأكل، وفضلت 7 شهور أكشف وأعمل فحوصات، لحد ما اكتشفت إن في أكلات معينة لازم أمنعها تمامًا، ومكلش قبل النوم بـ3 أو 4 ساعات».
وأشارت شاهيناز إلى أنها استطاعت التكيف مع النظام الصحي الجديد رغم صعوبته، قائلة: «كنت مجبرة ألتزم، بس الحمد لله ارتحت شوية، حتى لو بلخبط ساعات لأني من الناس اللي بتحب الأكل وبتحب تتذوق كل حاجة».