شذى تكشف سر تسميتها بهذا الاسم وتؤكد: "الغناء والشهرة مسدوش فراغ وفاة والدى ووالدتى"
كشفت الفنانة شذى عن سبب تسميتها بهذا الاسم قائلة: "والدى كان عايش فى السعودية واتولدت هناك وسمانى على اسم بطلة مسلسل عراقى كان اسمها شذى، وأكتر حاجة كنت بحبها لما ببقى وسط أهلى، لأن والدى كان لطيف معايا، وكنت دلوعة البيت".
وأضافت شذى خلال حلولها ضيفة ببرنامج ست ستات، المذاع على قناة DMC، "الغناء والشهرة مسدوش فراغ وفاة والدى ووالدتى، وقفلت على نفسى وكنت بقضى اليوم بيومه، واعتزلت مع نفسى وقتها، وأخدت فترة صعبة وربنا كرمنى بشركة إنتاج بتقف فى ضهرى ومش سايبانى".
وتابعت شذى "رزقى فى صحابى، وبيقفوا معايا طول الوقت، ومش بفضفض مع حد، وكلابى أكتر حد قريب منى، وتجربتى فى الزواج كانت قاسية، ومش بلوم حد على اللى أنا فيه لأنى اخترت غلط، وهو مش شبهى، وبقول للبنات يا ترتبطوا بحد شبهكم يا بلاش، مؤكدة أنه من المستحيل العودة له مرة تانية"، موضحة أنه تم كتب كتابها ولكن لم تذهب إلى بيت الزوجية.
وتقدم حلقات برنامج ست ستات على قناة DMC، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.