لبنى ونس: معرفش أقعد من غير شغل
عبرت الفنانة لبنى ونس عن حبها للعمل والسعى إلى تحسين دخلها، مؤكدة :"معرفش أقعد من غير شغل، ولما قررت أقعد فى البيت عن التمثيل لقيت عندى وقت ففكرت فى العودة للخياطة لأنى تعلمتها وانا فى كلية الفنون الجميلة علشان أصرف على نفسى واشترى الفساتين اللى بحبها واروح بيها الكلية، وتعلمت أعتمد على ربنا ثم نفسى ومسألش حد وكنت دايما بقول يارب أعنى".
وأضافت لبنى ونس خلال حلولها ضيفة ببرنامج "ست ستات" المذاع على قناة "DMC"، كنت باجى على نفسى وأسهر طول الليل على ماكينة الخياطة علشان أخلص شغل أكتر وأحسن دخلى وممدش إيدى لحد، وكمان أنا بعشق الخياطة وبحبها، ولكن لما كنت باخد المقاس لبعض الفنانين تعاملوا معايا بشكل سئ لما مثلت معاهم قالولى كلام وحش يزعل، ولما تركت التمثيل فترة ورجعت له تانى اختلفت المعاملة بشكل كبير".
وتقدم حلقات برنامج "ست ستات" على قناة "DMC"، كل من الإعلاميات سالى شاهين ونهى عبد العزيز وشريهان أبو الحسن وآية جمال الدين وجاسمين طه زكى وسناء منصور.
ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.
