الواد حلو .. بسنت النبراوي: أنا اتجوزت عن طريق السوشيال ميديا
كشفت الفنانة بسنت النبراوي، عن تفاصيل ارتباطها وزواجها الذي تم عن طريق مواقع التواصل الاجتماعي بالصدفة، مؤكدة أنها لم تكن تتوقع أن ينتهي الأمر بالزواج.
وقالت بسنت النبراوي، خلال استضافتها في برنامج "الستات مايعرفوش يكدبوا" على شاشة قناة "سي بي سي" الفضائية: "أنا اتجوزت عن طريق السوشيال ميديا أصلاً، هو بعت لي (Add) على الفيسبوك، وأنا كنت عمالة أمسح الناس الزيادة اللي بعتوا لي (Add) عشان ما يتقفلش الأد فرينز خالص، بالصدفة عملت له (Accept) والله العظيم بالغلط، بعدين قلت: الواد حلو كده، كلمنا وخدنا أرقام بعض، وابتدينا ننزل مع بعض، وعرّفني على أصحابه ومراتاتهم، ومرّة في مرّة بقينا أصدقاء قوي، وواحدة واحدة اتجوزنا."
وأضافت بسنت النبراوي أن أول ما يلفت نظرها في شخص على السوشيال ميديا هو الكلام الذي يكتبه، وليس الصور أو البوستات المنقولة: "الكلام اللي بيتكتب بيعبر بنسبة 90% حتى لو بيكذب شوية. ده إن كان فهمه أصلاً مش ناقله."
وعن ظاهرة الفلاتر على مواقع التواصل، قالت بسنت النبراوي: "لو لقيته في الحقيقة شكله مختلف عن صور الفيس بوك بس نضيف في نفسه ولطيف ومرح، عادي هستغرب بس هكمل، بس وقت ما اتعرفت على جوزي الكلام ده من زمان قوي وماكانش فيه فيس آب ولا الحاجات دي أصلاً."
موضوع الحب نفسه في حد ذاته حاسة أوفرريتد
وأشارت بسنت النبراوي إلى وجهة نظرها في الحب بقولها: "أنا بالنسبة لي موضوع الحب نفسه في حد ذاته حاسة أوفرريتد شوية. الكلام الجميل طبعاً حلو، بس إن الناس يقعدوا يقولوا أصل هم بيحبوا بعض عشان يقعدوا مع بعض ويدفعوا كهربا حب ويربوا العيال حب ويتعالجوا حب… لا، نيجي بقى على الجد والفواتير".